Himo awak-awak om songuhun juragan tinaan tu aiso dokumen kointutunan sondii

 

Di NAZRINI BADARUN nazrini@newsabahtimes.com.my

TAWAU: Himo pakalaja kapal toi awak-awak om songuhun papapanau kapal toi juragan tinaan do Oginsi Kokuasaan Maritim Malaysia (APMM) id hivang kavaigan kotonobon kohisaon Pulau Sipadan, kiikila jaam ko 5.20 minsosodop di songkoniab.

Id kopoihaan di Potunud Maritim Uvang Tawau, Kapten Maritim, Anor Jaafar, minoboos do savi avi dioho i mantad do kokusazan om kiumul 17 gisom 40 toun diho tinaan di kahapas au nakaanu pinopokito dokumen kointutunan sondii di poinvasa.

Tumanud disido, iso tinimungan puu APMM i maso papapanau monoihi mombii id sector ponohian, nokokito iso padau jongkong id koozuvo di kosivavo minikot mantad ponong Pulau Mabul.

Ka disido, juragan jongkong i kiumul 27 toun nga au nogi nakaanu pinopokito nuununu dokumen kointutunan sondii di poinvasa om tinaan nogi montok ponontohan kotihombusan id siibo Akta Imigresen 1959/63.

Naamot diho, id kiis misuvai, tinaan do Koupisan Imigresen Tawau o duvo tuhun, iho nopo nga songuhun kusai kiumul 26 toun om songuhun tondu kiumul 32 toun id kalaja misompuu i pinapanau sangavian do Uvang Koumohigan Poimbida Disan Kohisaon Sabah (ESSCOM).

Tumanud di Huguan Imigresen Tawau, Noraini Rasi, minoboos do kalaja di pinapanau id kinoizonon Tanjung Batu Laut diho minomolisa 67 tuhun miampai duuduvo di tinaan id kahasaan au pinopokito dokumen kointutunan sondii di poinvasa.

 
By : Di NAZRINI BADARUN
 
New Sabah Times