Turu’ ginambit id sahau Akta ATIPSOM 2007

 

Di MARLINA MACPEE

LAHAD DATU: Soginumu’ do turu’ tulun ginambit do pulis id siriba’ Akta Anti Kopogowitan Tulun om Anti Ponoludupan Modidikot 2007 (ATIPSOM) di maso pantalaban talun-alun id Batu 5 Jalan Segama doros hiti tadau Ko’onom di katatalib.

I OCPD SAC Hamzah Ahmad minoboros, i notondosan kiumur 27 gisom 57 toun dilo’ kapaampai do duo tulun nokoiyonon om limo songkosuayan, i poinsakai id songinan padsakaian 4WD i tinahan do pulis id pantalaban talun-alun nokomoi di kiikiro jaam ko 11.30 totuong.

Minomorisaan kotilombus nokoilo do limo mantad di susumakai padsakaian dilo’ aiso’ dokumen kointutunan suai ko’ tolu duli kisuang posokoton, ka di Hamzah.

Minoboros isio do koturu’ turu’ kusai om padsakaian nokomoi nowit doid Longkod Upis Pulis Watas Lahad Datu om pinoindalan ponoriukan id sahau Seksyen 27J ATIPSOM.

Pinonoriukan nokoilo do i nongotondosan dilo’ mamaso id pamanahan mooi karaja’ doid songinan kabun piasau sawit doid Kalabakan, ka di Hamzah.

 
By :
 
New Sabah Times