Duvo kusai kinoizonon om songuhun songkosvuazan tinaan PPM

 

Di NAZRINI BADARUN

SEMPORNA: Duvo kusai tuhun kinoizonon om songuhun tuhun Philippine tinaan Tinimungan Pulis Marin (PPM) miampai 2300 liter tumau petrol kihoogo RM5,060 id suang Ops Pensura poimbida.

Komander Uvang Koumohigan Poimbida Tisan Kohisaon (ESScom), DCP Datuk Hazani Ghazali id suang kointahangan minoboos pinagaavan om pamagakaman dino tinoodo di Tadau Koduvo kuang hobi jamko 2.30 minsosodopon.

Tumanud disido, minagan haang mantad kopoihaan abaabazan kopogohimuvan tumau petrol iso tinimungan puu PPM minanaak om minomolisa iso padau ohisou om otomou id uvang Daat Bulipatuid.

“Songuhun juragan kusai kinoizonon kiumul 32 toun om duvo awak awak tuhun kinoizonon om songkosuvazan kiumul 19 toun minogovit 92 jerikin kisuang 25 liter tumau petrol,” ka disido.

Pinamagakaman om pinagaavan dino noovit kumaa Hongkod PPM Semporna montok angkab dokumentasi.

Songian pinonoizukan pongintutunan numbul kopolijistahan padau om ginumu tumau petrol au miaga di suat kasagaan di pinahabus do KPDNKK.

Kahasaan id siibo Akta Panamangan Kaganapan 196 tu minogovit tumau petrol misuvai ginumu om padau di nokolijisto id KPDNKK.

Nagamu nogi duvo galon tangka tumau kihoogo RM200.

 
By :
 
New Sabah Times