Musa tuminau sabaagi ADUN Sungai Sibuga

 

KOTA KINABALU: Bagas Vozoon Montili Sabah Tan Sri Musa aman di koniab tuminau sabaagi Puu Dewan Koundangan Pogun (ADUN) Sungai Sibuga id Dewan Koundangan Pogun (DUN) Sabah.

Lamai tuminau id doguvang Speaker DUN Sabah, Datuk Syed Abas Syed Ali dino nopupusan di jam ko 3.33 minsosodopon.

Minoboos kuminaa magaganu abal kahapas dino, minamason i Musa kotohuadan kumaa Speaker DUN Sabah tu minanaak kookunan montok disido tuminau sabaagi ADUN Sungai Sibuga di koniab.

“Monongkotohuod zou tu Speakre DUN Sabah kalati koozuzuvo kohidasan ku, miampai pinapasaga dogo mikot tumoguvang montok kaanu zou nodii monuhuk tonggungan sabaagi ADUN,” ka disido kuminaa magaganu abal kahapas nokopupuss lamai tuminau dino id doiti, dikoniab.

Ontok timpu dimiaga, minoboos i Musa manaak isido pisokodungan poimponu kumaa boogizan kikuasa Kuala Lumpur om pointatap manaak pisokodungan dino nung kakal gunoon.

“Mositi popounsub zou id doiti do izou okon ko songuhun di nouzazang om au toomod insan kivaa angkab id suang ginavo mogidu mantad boogizan kikuasa Malaysia miaga di piboboos id suang media social sohinaid diti

“Doiho zou habus pogun id saasabap kohidasan miampai pongusapan poinguhud i gunoon om iti pinokito miampai luputan kohidasan mantad dokutul ngaavi i mongusap dogo,” ka disido.

Nokotindapou nogi id lamai tuminau dino Polosiden Parti Solidariti Tana Airku (Star) Datuk Dr Jeffrey Kitingan om piipio buuan UMNO Sabah. Bernama

 
By :
 
New Sabah Times