Kusai nopujulan kiniopon ontok magapon

 

DI AHMAD APONG

KUALA PENYU: Songuhun kusai nokito nopujulan kinopon ontok magapon id daat di kosuvab Tadau Koiso.

Huguan Pulis Uvang DSP Azmer Mustaffa pinopoimagon kinantakan kusai dino ointutunan sabaagi Ag. Johari Bin Ag. Panjang, 56, tuhun Brunei om mantad Kampung Bensulok Membakut.

Boogizan pulis nokotoimo sogu mantad pinsan di munggui, Ag. Marip@Omar Ag. Osman do nokosoomo tinan di munggui id daat Sawangan.

Ka disido ontok nasamanan padau di munggui nabahik ontok maamaso magapon osonguhunan id daat. Tumanud di Ag. Marip poguhui dino nokito dioho padau di munggui mintuug, ontok nokoinsomok nodii di munggui padau dino nabahik no.

Minongkimamaa izioho minamahik do padau dino om nokito i munggui nakasavit id suang padau om kahapas dino kinakat pinapahabus di munggui mantad padau.

Naabo-abpo izioho minogovit di munggui kumaa Tisan Sawangan i pinoposogu om tambahut ngaavi disido om minomohou ambulan om tumanud upisol pongusapan Dr Afdli Ariffin i minonoodo pinomolisaan noihaan i munggui noinduan no ginavo, ka di Azmer.

Topos di munggui noponu do vaig vookon nontodonon kinapatazon di munggui om otumbazaan o pulis aiso minonomod montok kahasaan tavagat kumaa kinapatazon di munggui om okomi i munggui nopujulan kiniopon monigog.

 
By :
 
New Sabah Times