Kotombuhuzan popobuu kaganaan kotoinaan ID SABAH, KA DI MUSA

SANDAKAN: Kotombuhuzan nopo nga sabaagi bakaang di popobuu koiso do kaganaan kotoinaan id kobuzuan mamadadi do Sabah kinoizonon do aandang om i piangkab angkab kozo id Asia ontok minsosomok 2025, ka di Vovozoon Montili Sabah, i Datuk Seri Musa Haji Aman.

Mantad diho, pangan toi fasa koiso do kopoonjulan Koridor Kotundaan Sabah (SDC) nopo nga manaak pombiian kumaa doid kopotoundaan ahal ngaavi impoon om panadaan landskap di tapantod montok monokodung kobobohan panadaan do mogisusuvai infrastruktur om kotoinaan kotombuhuzan kiningkokoton vonoun id sampaping gumompi kosindakon seni koubasanan sabagi kotos om gagazat kotombuhuzan di aiso kaaga,” ka disido id pason kopiondot abaabazan mamabak tana panadaan do Hotel Sheraton, Hongkod Pomomohizan om Hivang patataadan kulita milouting im Sandakan Harbour Square do doiti di koniab. Pason disido dino nopo nga pinohombus di Montili Kopolintaan Kinoizonon om Pomuhaminan Sabah, i Datuk Hajiji Nor.

Tumanud di Musa, id timpu Ponoihian Sapalu Pangan do Palan Malaysia Kosizam (RMK-9)(2008-2010), minongupalai o kopolintaan pogun Sabah do RM688,750 lizong kuminaa do Kopolintaan Hongkod maza projik SDC montok monunda kaganaan kotombuhuzan, iho nopo nga i kotohu tagazo no kozo, ahapas om infrastruktur om panadaan.

Ka disido, kogompitan do kopolintaan nokomoi nopo nga mipahud miampai pinggisoman mamadadi tuduvan do mamagazat kotombuhuzan soginumu 3.4 lizong tutumomobuhui kumaa id Sabah miampai pisosoomo koonuan kohobi do RM6.5 bilion ontok toun 2010.

Minoboos isido do uvang Sandakanm, i id kinoizonon id suang sub-Wilayah Kohiason SDC nopo nga sabaagi iso mantad uvang di kivaa do kahansanan id ikonomi om kotos kotombuhuzan, kaampai no pogisusuvazan koubasanan, tungkud, pinuavang biodiversutu om sandad posoihi di mositi tundaon om ukabon poimponu dino.

Id ahal diti, minoboos i Musa do mositi o kopolintaan om kaganaan swasta do tumihombus miigit bahazan do monunda savi avi di kivaa kahansanan nokomoi montok manaak kotumbazaan doid papapaapu kinoizonon om dahabus kokomoi prospek kotombuhuzan id Sabah, kotihombus do papapantod impoon ikonomi pogun Sabah. -Bernama