Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
_1
99 per cent of M-League teams complete privatisation process – FAM |  Tambadau leave early for Johor on chartered flight |  ‘Masculine’ sarongs to hit the market soon |  AirAsia to commence Kuching-Langkawi route in November |  ASNB declares total payout of RM646m for three funds |  Banks have approved 98 pct of 500,000 applications for repayment assistance – BNM |  Malaysia's economic activity outcome to improve in Q3 – DOSM |  Pokisompuruan i Rubin id Kabinet mongobi’ Murut |  Hajiji kaanu momupus kokusutan pulitik Sabah |  Songulun nogompitan tinanggayan Abu Sayyaf napatai id Sulu |  Hajiji minonimpuun kalaja sabaagi Vozoon Montili Sabah |  Penduduk pedalaman harap k'jaan baharu beri perhatian masalah, keperluan pembangunan |  Empat anggota PPM cedera, bot peronda meletup |  COVID-19: Semua urusandi JPN Sabah dilaksanakan secara temu janji |  ‘Lockdown’ in Sabah this Friday fake news – MKN | 
 Kadazan Dusun

PSKS pinoposoou do tuhun ginumuan mumpazat id abaabazan kimpin kopiumanan toluo bato

27th September, 2016

KOTA KINABALU: Poniikon Koisaan Sukarelawan Kanser Sabah (PSKS), Lawrence Imui, pinoposoou do tuhun ginumuan mooi do hobi asabi om mikot abaabazan kopipiumanan bato toi kanser sabaagi haang manahob om manaak kopipiumanan kokomoi toluo momoduso numbul koiso pogun.

Pinapaanjul o PSKS do abaabazan kopipiumanan montok mongiho kozo do mogisusuvai boogizan tuhun ginumuan kotoimo kointahangan kokomoi kohigaganan toluo bato om nogi mongiho haang ngaavi panahoban.

“Koisaan diti mangazu mogisuusuvai abaabazan kopipiumanan kanser id pototongkop kinoizonon id Sabah montok popoingkavas gontob kopipiumanan kumaa toluo diti om pinoposoou mooi do osikap mugad Kolinik Kohidasan di poinsomok toi Hamin Pongusapan montok mokiusap sokio nung kivaa nuununu tanda ngaavi toluo kanser.

“Binuzu mantad abaabazan koisaan diti, ogumu mogiigizon kampung hobi no id tatanga do koonduan minaganu kosivatan miampai gumompit sondii id abaabazan panahoban kanser di nazu do kopolintaan, hobi no do kanser susu tinan om kanser serviks.

“Vookon nahantoi do PSKS nopo nga di vuhan Kotuu nakatahib, minogovit zikoi soginumu 152 koonduan (40 toun minsavat) mantad uvang Pitas, Kudat, Kota Belud, Tuaran, Ranau om Tambunan minikot id Kota Kinabalu montok abaabazan subisi poniisan memogram.

“Iti pinopointahang do abaabazan di nazu dagai nokopoingkavas gontob kopipiumanai kumaa toluo kanser id tatanga do tuhun ginumuan honi no id tatanga do koonduan ngaavi,” ka di Lawrence, di ontok pinopohombus pason id Abaabazan Pangangakan Sodop do PSKS, doiti di sodop tadau Koonom nakatahib.

Ka vagu disido, tuduvan koiso do abaabazan nokomoi nopo nga montok monuang kousinan tozibut do koisaan montok ponundun abaabazan do koisaan id pogun Sabah diti.

Ontok abaabazan nokomoi, tahap tapantang i Montili Kopolintaan Konoizonon om Pomuhaminan Sabah, isido ponogi Miontong do PSKS, Datuk Seri Hajiji Noor, nokotindapou om minonohuod RM10,000 sabaagi tanda sokodung kumaa pinggisoman tohuduk do koisaan nokomoi.

Abaabazan diho nga minanaadak nogi do piipio sukarelawan di tapaagat kozo om nogi nakaanu kosivatan minokinongou toihaan om koundosoan do piipio susumakit om manamong susumakit kanser. –PENERANGAN

   
Email Print