Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Caretaker gets 20-year jail term for sexual offence against two boys |  Murder: March 24 date for prison wardens, senior officer |  Christian set to spearhead Sabah’s gold medal quest |  Perfect getaway at beautiful Ulu Look Lungsung Beach |  250 participants vie for top honours at Borneo Hospitality Challenge |  JPKA mogium mohoingon toi walis songuhun bagang |  Sakadai RM260 lizong montok mongumbasi sikul nakahaid id Sabah |  Kapanadaan ikoton polinta montok kovosian layat potihombuson |  Learning beyond textbooks: An enriching field trip for IMU Chinese Medicine students |  RM260 million for repair of 67 dilapidated schools in Sabah this year |  Malaysia's economy to grow within 3.2 to 4.2 pct, fiscal deficit expands |  Kejuruteraan Asastera secures RM19.78 mln project in Desa ParkCity |  Neurogine, UMSKAL team up to groom financial services talent |  Kejayaan kelulusan 100 peratus sekolah menengah wajar dipertahan: Mohd Arifin |  JPKA cari waris bayi lelaki | 
 Kadazan Dusun

Pekadin pinapaatag ahal kokomoi ‘kenegaraan’ om piuludan tinaru posotolon id sikul

15th July, 2016

Di MARRYAN RAZAN marryan@newsabahtimes.com.my

KOTA KINABALU: Koisaan Kotundunan om Palajaran Kadazandusun Murut (Pekadin) pinapaatag mooi do ahal kokomoi pogun (kenegaraan) om piuludan tinaru onuan koposotolan id mato palajaran Sejarah toi ko-kurikulum sikul.

I Timbang Porosidin Pekadin Simon Molubi minoboros koyuuyuon do piromutan tinaru i amu’ songkuro kosonong miagal do pigogutan tinaru id wookon pomogunan koposudong do ahal pisompuruan tinaru onuan koposuulan id nayatan sikul.

Minoboros isio do ksouul iti montok papatantu’ sakag wagu apabantaan di angkab olidang do koporintaan popisompuru mogiigiyon orurukut tinaru id pomogunan diti, potilombus dino koponimporon do kotoronongon om piuludan tinaru.

“I nangaantakan doid labus pogun om nogi’ id pomogunan tokou sondiri’ nga’ haro no tanda’-tanda’ kinaraagon doid piromutan tinaru i kopotongob, om koporintaan kiguno maganu laang kaampai no mitnong kawagu di koposuulan do sunduk kenegaraan om piuludan tinaru id suang ko-kurikulum toi mato palajaran Sejarah doid sikul,” ka disio do hiti di konihab.

Minoboros i Simon do Pekadin nga’ mongunsub po nogi’ do koporintaan popoinparagat kimpin kenegaraan om piuludan tinaru do po’ompus om okon ko’ id timpu no do wulan komordikaan potitikid wulan Kowalu’. Ka disio, iti nopo nga’ kopiongoi di angkab 1Malaysia i wookon dilo’ poposuul do pisompuruan tinaru orurukut tinaru om ugama’.

Minoboros isio do koyuon agagut om pioduhan tinaru id pomogunan suai kiguno silihon panapad kumaa rayat pogun diti mooi do mogisokodung momogompi’ kotoronongon om piuludan.

“Aiso’ gorong tokou do kaanu kotundaon nung aiso’ no piuludan tinaru,” ka disio do pinoposotol.

   
Email Print