Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Caretaker gets 20-year jail term for sexual offence against two boys |  Murder: March 24 date for prison wardens, senior officer |  Christian set to spearhead Sabah’s gold medal quest |  Perfect getaway at beautiful Ulu Look Lungsung Beach |  250 participants vie for top honours at Borneo Hospitality Challenge |  JPKA mogium mohoingon toi walis songuhun bagang |  Sakadai RM260 lizong montok mongumbasi sikul nakahaid id Sabah |  Kapanadaan ikoton polinta montok kovosian layat potihombuson |  Learning beyond textbooks: An enriching field trip for IMU Chinese Medicine students |  RM260 million for repair of 67 dilapidated schools in Sabah this year |  Malaysia's economy to grow within 3.2 to 4.2 pct, fiscal deficit expands |  Kejuruteraan Asastera secures RM19.78 mln project in Desa ParkCity |  Neurogine, UMSKAL team up to groom financial services talent |  Kejayaan kelulusan 100 peratus sekolah menengah wajar dipertahan: Mohd Arifin |  JPKA cari waris bayi lelaki | 
 Kadazan Dusun

Konsep pambalajalan maza ADD momohodi susumikul kotoihaan tahaab: Dr Ronald

4th July, 2016

TELUPID: Konsep pambalajalan maza “Akhbar Dalam Darjah” (ADD) diho nopo nga okon noopo ko koimau momohodi susumikul kitoihaan binalajalan tahaab nga nogi mamadadi do mongingia hobi kreatif id undovoon pongia’an.

Minoboos i Puu Parlimen Beluran, Datuk Seri Dr Ronald Kiandee do konsep ADD koimau momohodi susumikul kitoihaan balajalan takavas suvai ko mamadadi dino sabaagi bakaang panakadai kopongia’an kumaa do mongingia ngaavi sikul.

Ka disido, pomogunaan ADD sabaagi pomo’uang tapazan pambalajalan diti, insan insan koimau manakadai do susumikul ontok tumoguvang panaasan di toguvangon.

Ontok pinopohombus pason id kopomoiganan Tadau Tungkap Cemerlang Sikul Pangan Takavas Kebangsaan (SMK) Ulu Sapi id Telupid, di songkoniab, minoboos i Ronald do pomogunaan kalatas abal sabaagi bakaang pambalajalan kaamu momo’uang toihaan balajalan doid susumikul.

Ka disido, iho insan insan kopointahang dioho kumaa ahal tikid timpu do pogun om vinoun id sangavian suvai ko mamadadi dino sabaagi iso koubasan mambasa id tatanga do susumikul habus kakadazan.

Minoboos isido do kopotimpuunan ADD id Telupid diti nopo nga sabaagi ponimpuunan om poonjulon iho miampai kitimpu, poingkuo po nga au iho kaantob montok mamadadi dino sabaagi tapanazan miampai potihombus montok popointahang mooi do hobi ginumu sikul momoguno abaabazan miaga diho.

Id kobuuon suvai, pinoposoou i Ronald do sikul habus kakadazan mooi au mamadadi do komosikinan sabaagi unsub negative i mogovit kumaa aiso kahantazan sondii hobi no id ahal pambalajalan.

Tumanud disido, komosikinan okon ko undoiton tapantod do susumikul montok au kahantoi id pambalajalan toi ko mogovit kosimbanon koposizon do paganakan.

Naamot diho, kinomoi di Huguan Sikul SMK Ulu Sapi, Albert Andau Paulus Andau, o panaakan kalatas abal mantad Parlimen Beluran id sikul nokomoi sabaagi haang tabaa montok mamantod kaanangan mambasa id tatanga do susumikul habus kakadazan.

   
Email Print