Local
Foreign
Business
Sports
Leisure
BM
Kadazan Dusun
Archives
Latest News
 
Nst-studio
Classifieds
In_sites_link
Football-link
Smbb-logo
Pakakalaja UPPM id DUN tososondii pinokianu popoingkavas kotoinaan |  Polinta monuhung popointutun om mongunsub kopongukaban seni mogisusuvai media |  SABAH NOKOPONUAT GINUMU KOPOPUVAN OM PIDAGANGAN DI KOPONGUNSUB |  Faedah persaraan: Ramai pesara kerajaan kurang kesedaran |  Aspek keselamatan pekerja perlu jadi keutamaan majikan, kata Lee |  ESSCOM rangka kerjasama strategik m'rakat kampung air Bangau-Bangau |  Kerajaan negeri akan bantu promosi teroka seni pelbagai media |  Cadangan Bank Perumahan beri pinjaman kepada golongan berpendapatan rendah dan sederhana |  Musa: Sabah catat jumlah pelaburan dan perdagangan menggalakkan hingga Jun |  Wilayah Utara Australia yakin MAS akan pulih |  POLIS BERJAYA TAHAN 5 SUSPEK CUBA PECAH ATM |  Lahiri sinks 10 birdies, leads Selangor Masters |  Dennis claims Boys’ Under-9 title |  ‘Sports psychology a must for global success’ |  TABS Safa Bandaraya win Under-16 tournament | 
 Kadazan Dusun

Posusuyan tangon kumaa sinakagon

24th April, 2007

TAMBUNAN: Pinokianu o komolohingan popotungkus do susuian om tangon ngawi Kadazandusun kumaa sinakagon diolo ponoko iso’ kotos pointutunon kumaa tutumombului ngawi rumikot hiti id pogun tokou doulu no do ontok Kaamatan.

Minoboros i Huguan Siou Datuk Seri Panglima Joseph Pairin Kitingan do oinsanan susuian om tangon dino koimayaan kopiyo tutumbului mokinongou om maganu toilaan tu iti nopo tulun Kadazandusun nga noindai no hiti id Sabah om aiso id pomogunan suwai. “Oinsanan mananud tutumombului (tourist guide) nga apatut nogi daa kopiyo maganu toilaan kokomoi susuaian om tangon tulun tokou … baino diti ogumu po kopokionuan kumaraja mananud tutumomului id watas ngawi om mantad dino misingilo no daa kopiyo o mogigiyon kampung kokomoi susuian om tangon tu yoolo nga obuli nogi papanau karaja mananud tutumombului id kinoiyonon diolo,” ka di Huguan Siou.

Nokointalang di Huguan Siou ino di ontok panaak yau pason id kinopoimaganan do Tadau Kaamatan Nayatan Mukim Nambayan, Tambunan i nakapanau ih Kg Rugading Tanaki pikiikiro do apat kilometer mantad kakadaian hiti di Tadau Minggu.

Ontok po nogi ramai kaamatan dino, nokotindapou nogi iso tinimungan tutumombului mantad Australia montok minongoi intong do kogingaan id Tambunan om minamung nogi mogigiyon ngawi ruminamai do kaamatan.

Pogulu minooi amung kaamatan, minongoi po laid o tinimungan dino kakap do kogingaan id Wasai Mahua i noboros diolo do osonong kopiyo montok mamanau tumombutas kotolunan om nogi modtuongis id natadon do wasai. Tumanud wagu di Huguan Siou do baino diti nosiliu no do laang porinta popoburu do kaganaan ponombuluian om agayo kalansanan do humompit daa ngawi o mogigiyon kampung id pongindopuan kotombuluian montok poingkawas ontodon kousinan diolo.

Id kolimpupuson do boboroson di Huguan Siou, nasagaan dau manaak kopoobian kousinan porinta montok pomonsoi mogisusuai kounalan kampung miagal do sunsuion, talon-alun kumaa kokobunan, kopooputan lotirik id balairaya om kinolian poluyungan waig kumaa koumaan do parai. Pointindapou nogi do ontok dino i Datuk James Vitales, Datuk Louis Rampas, Luguan Boogian PBRS Cyril P Yansalang, OKK William Majimbun, upisor watas Thomas Angor, Mongulud KDCA watas Daniel Kinsik om PKR Wilfredoline Jakil.

Pogulu laid dino noboros di Daniel do agayo kalansanan diti tulun Kadazandusun sumigampot koburuon id mogisusuai kaganaan kaampai no pomutanaman nung osompuru om toririmo manaak kosokodungan kumaa porinta.

“Ponoko momutanom toririmo do apasi om kaakan tokou nga baino nopo ogumu nogi o hongkobon tokou kaampai no poposikul do tangaanak … om koburu-buruon tokou id pomutanaman nga lumansan nogi sakadai mantad porinta miagal ko momonsoi talun-alun om nogi popoingkawas do dagang,” ka di Daniel. Mihondot do kaamatan dino miagal toririmo nakapanau oh mogisusuai ababayan miagal do migayat lukug, sugandoi kaamatan om unduk ngadau. I Mayroline Lubiren nokolimbou koiso do unduk ngadau, Tracy Bailin (koduwo) om Avona Raymond (kotolu).

Montok do sugandoi kaamatan nolimbou di Ellysta Denis do kumoiso, Beaty Gatutung (koduwo) om Obbie Wilson (kotolu).

   
Email Print
   
 
 
E-browse
Actionline