|
|
|
Puu APMM pinopokito do padau i nataan miampai do tuung tumau i nagamu, kikotumbazaan ponginaman mogovit humabus mantad pogun diti mazaa Pitakasan Semporna.
|
21st September, 2012
TAWAU: Agensi Mongunguasa Maritim Malaysia (APMM) nakagamu 11,250 liter tumau Petrol kigatang RM21,735 i noihaan kininaman mogohimu humabus mantad pogun diti kumaa Philippine, ontok Tadau Kotohu.
Potunud Kalaja Uvang APMM, Komander Maritim Azman Samsudin minoboos, kinahantazan dino naanu asil pinomolisaan kumaa iso padau jongkong id Pitakasan Semporna i kikotumbazaan maamaso pougadan kumaa Pulau Sitangkai, Philippine.
Id suang pinomolisaan di kuang hobi jam ko 12.30 pitanga sodop dino ka disido, boogizan disido nga napanakaan onom kusai i mantad dioho papanau om pakalaja padau montok monuhung koponoizukan.
Saviavi di natandasan i kiumul piahatan 20an om 50an ka disido nga noihaan aiso do nuununu suat kointutunan.
Kiis dino soizukon id siibo Akta Komontilian pidagangan Suang Pogun Kopolitif om Kopomogunaan (KPDNKK) om Akta Kastam.
APMM ka disido tuutulus papabaa vagu kalaja dino do soosongian nopo montok monguhan nuununu kahasaan Maritim kaampai no abaabazan kopogohimuvan.
|
