|
17th August, 2012
KANGAR: Uvang kalaja Unit Panahaban Kopogohimuvan (UPP) i babaino pointoguvang id pivohitan Malaysia- Thailand pobuuon kumaa Sabah om Sarawak, ka di Huguan Potunud dino, Datuk Ab Rahim Ismail.
Tumanud disidio UPP minonoodo tonggungan id lahan tavasi mantad po tinuidong ontok 1976 om apatut dino pobuuon kumaa pototongkop pivohitan pogun.
Minoboos kuminaa magaganu abal kahapas solat sunat Tarawih id kompleks UPP Kuala Perlis somok doiti di totuvong koniab, minoboos isido atag popobuu uvang kalaja dino ahaid no pinobuu kumaa Koupisan Kotoinaan Polinta (JPA) om Komontilian Kousinan om ino okito avasi montok todoon.
“Ikoton poguhui diti, kopobuuan dino aanu monoodo toun diti nga pinohuntan tu kivaa review i mositi todoon,” ka disido.
Ab Rahim minoboos UPP nga kakal momoguno kouangan upisol om puu kiginumu do 30 piatus vagu hoohobi no kozo id suang tinimungan puu kastam om imigresen om pulis pinopotindooi puu di kouha.
Ontok timpu diti kivaa 964 upisol om puu UPP i pakalaja id poompus 646 kilometer uvang pivohitan Malaysia-Thailand.
“UPP mongintong potitikid upisol om puu tomoimo mogilalati id suang monoodo tonggungan dihoo om izioho tomoimo pogisosovohionon montok pakalaja id suang toiso-iso uvang,” ka disido.
Vookon pongintangan UPP nopo mongintong abaabazan kopogohimuvan hoohobi no kozo mazaa ngotusan vazaan tikus id poompus pivohitan osondiaan mantad abaabazan dino.
Minoboos i Ab Rahim id Kelantan nopo kivaa 346 vazaan tikus om id pogun ngavi suvai i kivaa pivohitan, ginumu dino nopo nga okuudi.
Kokomoi kotombuhuzan disido kuminaa Perlis, minoboos isido ino nopo ga kotombuhzuan id siibo abaabazan ‘mindau padang vuhan Ramadan’ id uvang pivohitan montok misoomo upisol om puu UPP id lamai mongukab puasa, solat Tarawih om sahur.
|
