|
12th August, 2012
SANDAKAN: Huguan Potunud Agensi Mongunguasa Maritim Malaysia (APMM), Datuk Mohd Amdan Kurish, minoboos kosuangan Modiidikot Aiso Kasagaan (PATI) au nodii opunganan do vazaan tikus kahapas kikotumbazaan izioho momoguno do lahan di pinotounda kouhanan om poindoos kampung.
Otumbazaan isido kivaa huguan miaga do mogiigizon kinoizonon i monuhung dioho sumuang pitakasan pogun miampai mindad id iso uvang poguhui oviton kumaa iso kampung.
“Noihaan no tokou vazaan i gunoon do PATI diti montok sumuang Sabah miampai monoodo panamangan togiot id saviavi tampat,” ka disido kuminaa magaganu abal id Lamai Mongukab Puasa miampai puu APMM pototongkop Sabah om Kopotunuzan Sakadai kumaa Tanak Aiso Mohoing id iso hotel, id doiti di Tadau Kohimo.
Minoboos i Mohd Amdan, kuang hobi 1,412 nahantoi minamagakom tinoodo tuminimpuun di Vuhan Koiso gisom Vuhan Kavahu toun diti.
Ka disido, kiginumu tuu kapal maapanau id pogun diti om ginumu dino uangan kopiondot do timpu kalamazan diti.
“Kalaja APMM tuutulus poinsavaton hoohobi no kozo manahob kopogohimuvan balang poimata miaga do tumau pagansak om gula kumaa pogun sungkad tukad montok padagangon hobi pinagod mantad gatang subsidi i tinaak polinta.
Ka disido, daat tuutulus tamangan kopiondot timpu kalamazan tu ontok timpu totuvong toi ko osuusuvab po abaabazasn mogovit sumuang PATI abaa todoon ontok timpu dino.
“Suvai mantad dino, panamangan todoon montok modihin tinimungan kivazaan gibang miaga do Abu Sayaf sumuang pitakasan pogun diti,” ka disido miampai minoboos do puu APMM nga uangan montok mintamong koozuzuvo daat om pitakasan pogun miampai togiigiot hoohobi no kozo ontok timpu kalamazan.
Ontok po nogi dino, ka disido kiginumu do 5,275 kalaja au nosuangan i pinasaga id suang APMM kakal au nosuangan.
Tumanud disido, kiginumu do 1,000 kalaja au nosuangan kahapas tinimungan kastam om pulis pinapataak padau di toun nakatahib kumaa APMM miampai aiso puu dino.
“Kiginumu do 1,066 kalaja au nosuangan kahapas 91 padau pinoundahiu ontok toun nakatahib kumaa APMM. Nga 65 no puu kastam om pulis minumpazat APMM kahapas pinapataak padau dioho,” ka disido.
Nokotindapou nogi i Huguan Mongunguasa APMM Labuan om Sabah, Laksamana 1 Karunanitihi A/K Munusamy: Huguan Mongunguasa Uvang Sandakan, Kapten Abdul Razak Rahman; Huguan Mongunguasa APMM, Kapten Wan Mat Wan Abdullah om Kumoduvo Polosiden Kounsol Kakadazan Sandakan (MPS), Haji Mohd Hamsan Awang Supain.
Mohd Amdan pinopoiho do kokusungan di kivaa no haid kiginumu do 4,275 nouangan miampai kalaja di au po nosuangan kahapas kinapataakan padau nokoovit saviavi 5,275.
|
