|
9th August, 2012
TEMERLOH: Mananggung o polinta 90 piatus mantad balanja balajalan takavas layat pogun diti, i tuutulus mamadadi Malaysia i’iso no pogun i popotounda sakadai tagazxo montok balanja balajalan.
Kumoduvo Montili Balajalan Takavas Datuk Saifuddin Abdullah minoboos subsidi dino popoompit balajalan id suang om dahabus pogun.
“Tootopot nopo, susumikul id nazatan balajalan takavas mananggung nopo balanja kiginumu do 10 piatus no,” ka disido kuminaa magaganu abal kahapas pinopotunui Usin Ponoguhu Kapambalazan Kotinanan Tozibut Balajalan Takavas Nasional (PTPTN) kuminaa 832 susumikul uvang Parlimen Temerloh, id doiti.
Minoboos isido pilotian dino pinopokito polinta buanon Barisan Nasional mongkimamaa kozo montok popobuu boogizan balajalan montok popoimbuhai hobi ginumu layat kitoihaan montok tumungkus kopomuanan pogun.
“Mazaa PTPTN miaga do pomitanan dino, polinta minanaak pagahasan balajalan om sikulasip kuminaa kuang hobi 1.94 lizong susumikul mogisusuvai tinau popoompit sakadai hobi RM44 bilion gisom baino diti,” ka disido.
Saifuddin i nogi Puu Parlimen Temerloh minoboos parti gugumaga id Malaysia koiho nopo papalaat miampai au insan pomusoou id lahan pointantu kokomoi onu i tinoodo polinta sohinaid diti montok sinuan layat, tinau om pogun.
|
