Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
Nst-studio
Sustainable global devt practice critical in becoming high-income nation |  ‘Battle of the Reds’ at Likas Stadium in November |  Phoong praises Special Olympics Sabah athletes |  Marine police detain 20 paperless individuals |  Kumpulan rock masih dirindui |  Two cousins out to preserve Dusun ethnic music |  Govt proposes additional budget for 2020 Visit Malaysia Year Campaign |  Face mask sales up significantly due to haze |  GES Global scholarship info day in Sandakan |  KPLB popointutun Hamin Sejahtera id MESEJ om Kampung Sejahtera |  PPM minanalob kipogowitan tontolu ponsu, tumau petrol |  Jamilah johan Pertandingan akhir Bintang Patriot Sandakanfm |  Gigi aset berharga dan istimewa kepada manusia: Munirah |  Wanita Palauh nyaris maut rempuh Myvi |  Kelab Lions Mandarin Labuan terima sumbangan projek House Of Love Lions | 
 Kadazan Dusun

KPN pinopoimagon kotoinaan trafik mananud di Tun Dr Mahathir ginazat

5th May, 2016

KOTA KINABALU: Pinoimagon di Huguan Pulis Pogun Malaysia, Tan Sri Khalid Abu Bakar di koniab do kotoinaan trafik mananud kumaa di bagas Huguan Montili, Tun Dr Mahathir Mohamad, ginazat mahik mantad po di duvo minggu nakatahib.

Minoboos isido do poingkuo po, kotoinaan tumanud manamong, iho nopo nga upisol pulis mantad Unit Haang Poimbida montok di Dr Mahathir kakaal pinotihombus.

“Nga noopo kotoinaan trafik mananud i pinotingkod om au tokou insan kumaandak mamagazat mahik do kotoinaan mananud manamong toi ‘Bodyguard’ di Tun M…dadi koumohigan disido tomoimo po atamangan do pulis,” ka disido kuminaa doid magaganu abal di kahapas abaabazan kopongungkapan Pingat Kedaulatan Negara (PKN), doiti di koniab.

Pinopointahang isido do kinapamagazatan kotoinaan trafik mananud diho minaan binuzu haang di Dr Mahathir i minumpazat do pitimungan au pavasaon Bersih, pitimungan gumaga GST (Sukai Bakaang om Kotoinaan) om monimung tanda tuntuu montok deklarasi i pinggisoman di bagas huguan montili nokomoi i mihavan miampai kopoobian undang-undang om koundangan pogun.

“Ginazat ku mahik kotoinaan trafik mananud montok di Tun Mahathir…iho nopo nga id koputusan ku sabaagi Huguan Pulis Pogun Malaysia. Nunu guno dotokou manaak trafik mananud kumaa tuhun di mamadaandang kopoobian undang-undang om koundangan, au tokou kaanu sumokodung nunu noopo koimaan di kadaandang undang-undang pogun.

“Mantad diho, ahansan zou do Tun M do kalati kumaa ningkokoton do PDRM (Pulis Diraja Malaysia) i momuntut Rukun Negara. Dadi nung kivaa boogizan di kadaandang undang-undang, poingkuo dii tokou do sumokodung,” ka disido.

Di songkoniab, minoboos i Kumoduvo Huguan Montili om Montili Suang Pogun, Datuk Seri Dr Ahmad Zahid Hamidi do papahabus i Khalid do kopoihaan kogompit kotoinaan mananud kimotusaikol pulis doid di Dr Mahathir do pinotingkod.

Noboos i Ahmad Zahid minoboos do pahansanon disido ahal diho kumaa di Huguan Pulis Pogun Malaysia tu ahal diho kogompit kalaja ponoinaan om okon ko impoon do Komontilian Suang Pogun.

Id komi kotihombusan, minoboos i Khalid do poingkuo po, kakaal i Dr Mahathir kaanu monoodo upalai kumaa PDRM sokio nung kumaandak momoguno trafik mananud songian tumindapou do kivaa abaabazan kalaja koupisan.

“Sokio nung kumaandak i Tum M do kotoinaan diho (trafik mananud), mositi o upalai do pobuzuon kumaa dogo do hobi poguhu om onuan tokou kotoinaan trafik mananud nung abaabazan di tindopoon disido nopo nga abaabazan kalaja doun kopolintaan om nogi au kopogompit kapamadaandangan nonomboo kopoobian undang-undang om koundangan,” ka disido.

Mantad diho, minanaak i Khalid do kopoingatang tokodou kuminaa do boogizan di au nohuda i miampai kaandakan sondii kuminam manaak kotoinaan mananud kimotusaikol kumaa di Dr Mahathir.

“Haang diho okon noopo ko manaak kohigaganan sondii dioho nga nogi manaak kohigaganan do tuhun suvai tu au izioho nohuda montok papapanau mananud kumaa tuhun kigagaa om haang diho pointahang kadaandang undang-undang,” ka disido.

Naamot diho, ontok udizoo kokomoi kobuuon kiis pinanazangan apat kusai kinoizonon id Pulau Ligitan, Semporna, Sabah di ontok ko 1 vuhan Kaapat nakatahib, minoboos i Khalid do pinoiho isido do kaapat apat munggui sinazangan diho id koozuvo avasi om oumohig.

“Maso o pulis monihombus pinggisoman montok mongiho kozo dioho do aanu atampasi. Otumbazaan zikoi do ningkokoton dioho (munggui sinazangan) minsud insud do tikid timpu montok mongivad o’ium,” ka disido i mada mongomi potihombus kogompit ahal diho.

Apat layat Malaysia, i Wong Teck Kang, 31; Wong Hung Sing, 34; Wong Teck Chii, 29 om i Johnny Lau Jung Hien, 21, sinazangan do vahu kusai kisindata id kavaigan Semporna, Sabah di ontok id pamanaan pouhian kumaa Malaysia mantad Filipin di ko 1 vuhan Kaapat nakatahib.

Kaapat apat do munggui mantad Sibu diho nopo nga kru kapal ‘Masfive 6’ i minomiangkat balak mantad Malaysia kuminaa Manila, Filipin.

Di poguhui diho, pinapataak i Khalid do PKN kuminaa 200 upisol om puu tinimungan mantad Koupisan Koumohigan Suang Pogun om Kotoonongan Tuhun Ginumuan, kaampai no Tinimungan Gerakan Am, Tinimungan Pulis Marin om Unit Davan PDRM.

“Iho nopo nga pamagatangan do kopolintaan kumaa upisol om puu koumohigan i nokogompit id kalaja ‘Op Daulat’ di ontok kinaantakan pinonugkuan id Kampung Tanduo, Lahad Datu di vuhan Koduvo 2013,” ka disido. –Bernama

   
Email Print
   
 
 
E-browse