|
24th July, 2012
TENOM: Songuhu kusai Sina do doiti, tinaan do pulis tu natantaman nokogompit id iso kiis manambaana di tadau Koonom nakatahib.
Huguan Pulis Uvang Tenom, DSP Mazlan Haji Lazim i pinopoimagon kinaantakan diho, minoboos do natantaman dino nopo nga sabaagi songuhun mongingindau id uvang diti.
“Nadadi tinantaman o kusai nokomoi doid kiis manambaanan di kopogompit do songuhun koonduan kinoizonon i kiumul 28 toun,” ka disido di ontok tuubungo do media di koniab.
Ka disido, tinaan reman sohinaid apat tadau i natantaman id siibo Seksyen 376 Kanun Koundasaan, montok ponontohan kotihombusan.
Au minongomi do anau i Huguan Pulis Uvang nokomoi tu kiis diho kakaal id ponoizukan.
|
