|
24th July, 2012
TAWAU: Songuhun mongingia koonduan nopujulan kiniopon di kahapas o kulita Perodua MyVi i sinakazan dosido nolumpak do iso van mantad ponong kohusakan, id Vatu 5, Lahan Apas, do doiti di tadau Minggu.
Munggui, i Mujahidah Rauf, 34, noimagon do minidu pogun id Wan Taabpo, Hamin Pongusapan Tagazo Tawau tu nokotoguvang kinosinduahan di noindamaan id boogizan tuhu dosido.
Minoboos i Huguan Pulis Uvang Tawau, ACP Ibrahim Chin do id kinaantakan di kiikila jaam ko 6.40 minsosodop diho, papapanau van nokogompit diho nopo nga maso maapanau mantad Kakadazan Tawau kuma id Lahan Apas.
Ontok koiko id hivang kinaantakan, van di maapanau diho natagakan pongigitan om nokosuang id lahan ponong humusak poguhui nokolumpak boogizan doguhu ponong vanan do kulita MyVi nokomoi.
Poingkuo po ka disido, papapanau MyVi, i ponogi kiumul 34 toun diho nosinduahan noopo id hongon, naamot do papapanau van i kiumul 60 toun aiso nuununu kinosinduahan.
Kiis do baino diho soizukon tumanud Seksyen 41(1), Akta Padsakazan Lahan 1987.
|
