|
6th July, 2012
BEAUFORT: Songuhun kuntilikto, Hassan Bin Tahir, 58, mantad Kampung Pimping nopujulan kiniopon songian dinuso do songuhun kusai id suang kinantakan di minsosodopon Tadau Kotohu.
Huguan Pulis Uvang DSP. Mustaffa Maarof Bin Mustaffa pinopoimagon dino ontok di Tadau Kaapat om pinopoiho kinantakan dino nantakan di jam ko 3.30 minsosodopon.
Tumanud pinonoizukan kopoguhu pulis i nogompitan binadas di natandasan ontok i nogompitan maamaso mokitoina id Upis Kotoinaan Tazam om Pomounan Tazam.
I natandasan, 55, mantad Kampung Kota Klias i pakalaja id Koupisan Tana dino nahantoi do pulis minanaan ontok tadau di miaga kuang hobi jam ko 10 totuvong id posoihi uvang Beaufort.
“Ontok noimangan i nogompitan, minogidu isido id natadon Hongkod Giat Mara om naatu, nokito isido di minghuhuda ngavi do nodopos zaa om pinaatod id hamin pongusapan nga nokoimagon minidu pogun ontok nokoikot id hamin pongusapan.
“Nokotoguvang kosinduahan i nogompitan id boogizan douvi tuhu om kikotumbazaan binadas miampai koumatan tokodou.”
Tumanud pinonoizukan kopoguhu pulis, tuduvan pinomodusaan nopo nga opihadan id nombo i natandasan minamadas di nogompitan i kikotumbazaan disido kivaa piombohutan tohosok miampai savo disido.
Pinopiho i Mustaffa i natandasan babaino tinaan naamot tumimpuun di ko 5 gisom 7 om dawahon id siibo Seksyen 302 i koovit ukum patazon nung kogompit kahasaan.
Mustaffa Maarof memberitahu saspek kini ditahan reman mulai 5hb hingga 7hb dan akan didakwa dibawah Seksyen 302 yang membawa hukuman mati jika sabit keselahan.
|
