|
3rd July, 2012
TAIPING: Hobi 600,000 layat Malaysia i kipotutan noihaan do au po nokoupalai kad kointutunan MyKad.
Huguan Potunud Koupisan Kopolijistahan Pogun (JPN) Datuk Jariah Mohd Said minoboos mantad 618,410 i noihaan, Selangor nokoponuat di takavas no kozo 61,186 tuhun.
Mokianu o JPN dioho i au po nokoponoodo dino mooi sumikap mikot mongupalai MyKad montok kouhanan dioho sondii, ka disido kuminaa magaganu abal kahapas tuminindapou abaabazan kotombuhuzan Sikul Tosiibo Kabangsaan Simpang, id doiti di koniab.
Minoboos i Jariah montok monguhan ahal ngavi dino, minonoodo o JPN abaabazan mooi intong sondii kumaa sikul ngavi montok sumoomo susumikul om mohoingon suvai ko popotounda unit maapanau JPN montok monguhan tuhun ginumuan monoodo upalai MyKad.
Ontok po nogi dino, minoboos i Jariah kiginumu do 456,985 MyKad montok uaplai kavavagu di nopongo’ no au po noongoi do mongungupalai.
“Selangor nopo nga pogun takavas ino nopo nga 69,848. Mokianu tokou mongupalai di au po nokopogongoi kad kointutunan, om au daa humansan tuhun suvai,” ka disido.
Minoboos i Jariah tuhun ginumuan nga kavasa mongintong kointutunan upalai dioho mazaa portal JPN.
MyKad i au nakahantoi minogongoi id suang timpu 18 vuhan mantad tadau nopongo’ punsoon, miaga di poinsuang id undang-undang, ka disido.
Minonugut ahal misuvai, au minonoimo i Jarian totondos gugumaga mazaa bobooson ngavi dioho do JPN manaak ningkokoton koponompogunan kumaa tuhun songkosuvazan id suang timpu toniibo.
Ka disido potitikid tuhun songkosuvazan i mongupalai ningkokoton koponompogunan Malaysia mositi mazaa kootulan di tapantod om kointutunan dino pataakon nopo ahapas JPN asantaban ginavo miampai saviavi kootulan di notuhuk.
|
