|
29th June, 2012
KOTA KINABALU: Skim Panamangan Insurans Kohidasan Pakakalaja Dahabus (SPIKPA) potimpuunon tuutulus id Sabah ontok ko 1 Vuhan Kotuu mikot.
Upisol Pitubungan Ginumuan i nogi Panakadai Potunud (Poguhudan) Koupisan Kohidasan Pogun Sabah Ketirah Hank minoboos kapanadaan SPIKPA dino nakaanu kasagaan om piokunan polinta Sabah miampai nakaanu pisokodungan Koupisan Imigresen Sabah.
Minoboos isido skim insurans dino nontoodo no id Semenanjung mantad po 1 Vuhan Koiso toun nakatahib.
Mantad no dino, ka disido, saviavi pakalaja dahabus au kaampai pakalaja daamin popotuton montok momohi polisi insuran Skim Kosuangan Hamin Pongusapan om Pamazazakan Pakalaja Dahabus miampai kabalai premium insurans takavas no kozo kiginumu RM120 sontoun.
“Pidondian montok mananggung polisi insurans diti tumanud kumaa tampat pakalajaan om pakalaja montok papatantu nung tonggungon do pakalajaan toi ko pakalaja dioho,” ka disido id suang iso kointahangan id doiti, di koniab.
Minoboos i Ketirah pakalaja dahabus i au kahantoi momohi polisi insurans dino au pasagaon montok maganu toi ko monginvagu do poomit kalaja toi ko pas kotombuhuzan kalaja naamot songian opupusan timpu.
Minoboos isido pakalajaan toi ko pakakalaja kavasa maganu polisi insurans dino mantad hahansanon toi ko ejen 26 komponi insurans i nokolijisto miampai Komontilian Kohidasan.
Minoboos i Ketirah komponi insurans nokogompit nopo nga Allianz General Insurance Bhd, AXA Affin Insurance Bhd, Berjaya Sompo Insurance Bhd, ACE Jerneh Insurance Bhd, Kurnia Insurans (Malaysia) Bhd, Lonpac Insurance Bhd, Zurich Insurance Malaysia Bhd, MUI Continental Insurance Bhd, Oriental Capital Assurance Bhd, Progressive Insurance Bhd, QBE Insurance (M) Bhd, RHB Insurance Bhd, Syarikat Takaful Malaysia Bhd.
Poinsuang nogi Overseas Assurance Corporation (M) Bhd, Takaful Ikhlas Sdn Bhd, The Pacific Insurance Bhd, Tokio Marine Insurance (M) Bhd, Etiqa Insurance Bhd, Etiqa Takaful Bhd, Uni Asia General Insurance Bhd, Multi-Purpose Insurans Bhd, ING Insurance Bhd, AmG Insurance, MAA Takaful Bhd, MSIG Insurance (Malaysia) Bhd om Hong Leong M
|
