|
24th June, 2012
KOTA KINABALU: Sabah Electricity Sdn Bhd (SESB) kiangkab popointahang id doiti do piipio akaun Facebook i momoguno ngaan SESB okon ko laman sosial poimbida SESB.
Kinoimbuhazan akaun ngavi diti nga nakapavong ogumu momoguno i momusoou akaun diti toinaon do SESB.
Akaun ngavi diti nga noihaan au nouhud om manaak sisimba di au kotunud kumaa komen ngavi di pinataak do momoguno.
Tumanud Potunud Kotoinaan SESB, Ir. Hj Abd Razak Sallim, saviavi kointahangan di tinaak poguhuid iti okon ko kointahangan poimbida do komponi.
Saasabap no dino, momoguno posoovon montok au manaak nuununu kopoihaaan kiguno kumaa akaun ngavi Facebook diti. Saviavi kopoihaan kavavagu om kointahangan poimbida SESB posuangon id laman sesawang pomibida SESB, www.sesb.com.my.
Montok kouhanan momoguno monoodo luputan koumbakan lotilik id uvang dioho, kivaa piipio kopohuzungan di pinotounda.
Montok poposogu koumbakan lotilik, momoguno kavasa tumuubung Hongkod Ponoinaan Sogu SESB id tolifaun 15454 om 088-515000. Kotoinaan suvai i pinotounda nopo nga Kotoinaan Pason Toniibo (SMS) id nombo momoguno manaip nopo kopoihan sogu dioho poguhui pootodon sogu kumaa numbul 33154. Duuduvo kopohuzungan diti oukab 24 jam sangadau hoohobi no kozo montok monoimo sogu kogompit kobohingkangan lotilik.
Tolifaun bebas tol 1-880-88-1135 nga pinotounda nung momoguno kivaa nuununu pogudizaan kokomoi kotoinaan di pinotounda do SESB miaga pogudizaan bil toi ko koozuzuvo upalai kavavagu. Kopohuzungan diti toinaon poimponu do One Stop Customer Centre (OSCC) SESb oukab kotimpuun jam ko 8.00 minsusuvab gisom 5.30 minsosodpon potitikid Tadau Koiso gisom Tadau Kaapat.
Suvai mantad dino, hivang ‘Talk To Us’ id suang laman sewawang SESB id www.sesb.com.my nga potoundaon montok monguhan momoguno popohuzung sogu dioho.
|
