|
|
|
Jornah miampai do puu ngavi di nokotindapou minokigambal kaandaman.
|
24th June, 2012
KOTA KINABALU: Sakadai potihmbus mantad tuhun ginumuan pounsubon kozo id suang monuhung di kitoluo ngavi tindunduu mooi izioho kaanu papaanu om kaanu pongunsapan di tapatut.
Koisaan Tozibut Kitoluo Tindundu Sabah (Saciety For The Sabah Heart Fun (SOSHF) minangazu do abaabazan Vuhan Kotundunan i kitema “Upuso Paganakan, Posoguhuono Kohidasan” pinoimagon di Jornah Mozihim Monunuat Pulitik di Montili Kotundaan Mogiigizon om Ahal Momoguno Sabah, id Likas Plaza, di koniab.
Eva Susau sabaagi ponikoon mangazu abaabazan diti nogi pinopoiho tuduvan kopoguhu ponuidangan koisaan diti nopo nga montok monuhung kitoluo ngavi tindunduu i aiso tangangazan montok papanau pongusapan toi ko pamazazakan mantad po toi Semenajung Malaysia toi ko dahabus pogun.
Pinopoiho i Eva do gisom baino diti koisaan diti nakahantoi minanakadai kiginumu 542 tuhun kitoluo tindunduu id nombo kogumuan dino nopo nga tanak.
“Sakadai potihombus kumaa koisaan diti mooih hobi ginumu kitoluo tindunduu aanu papaatod papanau pamazazakan montok momogonop balanja dioho om pokionuon kozo om pason kotohuadan poguhuonon dagai,” ka di Eva.
Pinopoiho nogi i Eva boogizan koisaan disido nga humansan do hobi ginumu sukarelawan mikot montok monuhung boogizan disido id suang advokasi ontok timpu mikot mooi izioho kaanu manaak koponoguvangan kopoguhu kokomoi panamangan kohidasan tindunduu.
“Pisokodungan piahatan “Korean Food For The Hungry International” mantad po toun 2007 nga nakahantoi pinapaatod kiginumu 67 kitolu tindunduu kumaa Hamin Pongusapan Korea Bucheon Sejong om tuutulus dino nogi nakaanu minonuhung nuzudan songingandad id Hamin Pongusapan Koonduan om Tanak Likas,” ka disido.
Nokotindapou nogi id sesi kopomoiganan dino Dr. Tan Bee Hwai, Dr. Soo Thian Lian, Dorin Thomas Stuel, Datuk Rowland Chin, Lee Chal Dong (mantad Korean Food For The Hungry International), puu ngavi tinimunganom puu ngavi Koisaan Tozibut Kitoluo Tindunduu Sabah.
|
