|
|
|
Balang tamangan dinagamu do APMM Tawau.
|
24th June, 2012
TAWAU: Agensi Mongunguasa Maritim Malaysia (APMM) Tawau nakahantoi minanahob ponginaman mogohimu humabus 1920 kilogram gula om 680 kilogram tumau magansak mantad pogun diti kumaa Indonesia, di koniab.
Huguan Mongunguasa Maritim Uvang, Komander Maritim Azman Samsudin minoboos, kinahantazan dino notoodo asil pinomolisaan kumaa iso padau jongkong id Pitakasan Tawau.
Kikotumbazaan ka disido, padau dino maamaso id pougadan kumaa uvang Bavang Haji Kuning, Sebatik Indonesia.
Id suang pinomolisaan dino ka disido, boogizan disido nga minanaan duvo tuhun izioho nopo nga songuhun kusai i nadadi juragan padau, 20, om songuhun koonduan, 46, i mongingit pas tumahib pivohitan, nga au minomoguno do vavazaan humabus di kipotutan.
Saviavi balang nagamu dino ka disido oviton mahik kumaa upis APMM uvang Tawau montok koponoizukan sumusuut.
Minokianu nogi i Azman tuhun ginumuan di nokoiho kokomoi nuununu abaabazan kopogohimuvan mooi popohuzung kopoihaan kumaa boogizan disido mazaa tolifaun 089-750115 i oukab kihinaid do 24 jam.
|
