|
|
|
Abdul Rahim pinopotunui sakadai kuminaa monginsada ngavi id uvang Papar.
|
9th September, 2010
PAPAR: Kotinanan Kobuuon Sada Malaysia (LKIM) magavi do RM1.8 lizong potitikid vuhan id Sabah montok angkab sakadai elaun sara hidup kumaa 9,390 monginsada i kipotutan monoimo.
Ponikoon LKIM, Datuk Haji Abdul Rahim Ismail minoboos, sakadai dino nopo nga vookon mantad pilotian kopolintaan monuhung mogiigizon moginsada i kakal po ‘momiukut minsusuvab akanon minsusuvab, momiukut minsosodopon akanon minsosodopon.
“Pambalazan sakadai dino nopo nga tanda kosianan kopolintaan kumaa tinimungan monginsada id pogun diti i kakal po id suang komosikinan,” ka disido.
Minoboos isido dino kahapas pinopotunui sakadai usin kuminaa 208 monginsada Koisaan Monginsada Uvang (PNK) Papar id hamin tundoongon id doiti.
Hobi 500 monginsada id PNK Papar kipotutan monoimo sakadai RM200 sombuhan dino.
Abdul Rahim kahapas dino nasangaban ginavo miampai ginumu mononoimo elaun id Sabah i okomi disido do nakatahib ikoton ino nopo nga kiginumu 8,000 tuhun.
“Nung poguhui diti, ginumu mononoimo dino nakatahib do 6,000 tuhun nga baino ginumu dino nakatahib ikoton.
“Asantaban ginavo ku miampai ginumu mononoimo dino om humasan monginsada ngavi id pogun diti momoguno tavavasi sakadai dino id suang popoinsavat ningkokoton koposizon dioho,” ka disido.
Magangat isido moginsada i au po nokotoimo elaun dino mooi do mokilijisto miampai PNK id uvang dioho.
Ka disido, haang odomut montok maganu elaun dino kopolugi dioho sondii no.
|
