|
9th September, 2010
KUALA LUMPUR: Minogohim o Komontilian Suang Pogun (KDN), i Tan Sri Musa Hassan kokomoi kivaa kasampalagan boogizan kotohu id pinggisoman do Pulis Diraja Malaysia (PDRM) manamong kotoonongan tuhun ginumuan om manaan dioho di kadaandang undang-undang.
Minoboos i Huguan Monunuat dino, i Datuk Seri Mahmood Adam do somoonu o atag om kopokionuan do au timbangon poimponu om iti miaga kozo do miho biion sabaagi sumampalag id ponoinaan tikid tadau do PDRM.
“Mantad ahal diti, ponoinaan ponguhudan kotoinaan tagazo nopo nga tonggungan do PDRM om ahal sumampalag id suang kapapanaon ponoinaan do PDRM mantad komontilian nopo nga au koimbuhai,” ka disido do doiti di koniab.
Minoboos isido diti di ontok minambasa boos tohu upa suat kuminaa do monunuat abal id abaabazan kinapataakan kalaja mantad di Musa kuminaa doid di kumoduvo disido, Tan Sri Ismail Omar, i dinadi sabaagi Huguan Pulis Pomogunan Malaysia di kavavagu, binuzu kopinsinan di Musa, ontok tadau Koiso diti.
Di poguhui diti, pinapahabus i Musa do kokousan disido miampai haang sasatanga boogizan di sumampalag ponguhudan do PDRM do papapanau kalaja om vookon boogizan kotohu diho nopo nga tuhun mantan komontilian, tuhun dahabus, tuhun di kivaa kounalan om tuhun di aanangan mangasou.
Minoboos i Mahmiid do id nazatan komontilian, nakaanjul o pitimbungakan Ponguhudan Logistik PDRM.
“Poingkuo po nga potitikid kopokionuan om pamalanan do PDRM, onuan pomuginavaan di misudong, mipahud miampai pomo’uangan vinasi kotoinaan PDRM.
“Sokio nung kivaa kopokionuan diho do au aanu otumbozo, okito iho miaga ko sumampalag o KDM id ponguhudan do PDRM.
“Poingkuo po nga porirkidc kopokianuan om pamalana do PDRM miaga id nomboo o koupisan kopolintaan do suvai, nopo nga mozo kumaa do impoonpolinta, prosedur kousinan om nogi susuvai koatulan di kogompit,” ka disido.
Naamot diho, minoboos isido do sundung tu ahal nopupusan kuntilik, au pinoiho i Musa miampai poinsuat, poingkuo po nga pinoiho miampai boos di sominggu poguhui tadau kinopoihaan do KPN di vagu om pinpoiho nogi do insan vagu miampai boos di ontok tadau nokomoi.
“Ponguhudan kopomododizan om pomupusan kotoinaan Upisol Totuo Pulis nopo nga mositi maza Pitimbungakan Suruhanjaya Kotoinaan Pulis (SPP) i ponikoonon di Montili Suang Pogun.”
Susuutonon dino do pabantangon montok pobuzuon kumaa di Yang Dipertuan Agong maza boos di Huguan Montili,” ka disido.
Naamot diho, au mongomi i Musa di songian udizoo kokomoi kopogohiman do KDN diho.
Ontok pokionuo mongomi atag di potunud strategi Paati Keadilan Rakyat (PKR), i Tina Chua mooi do papafail luputan poimagon kokomoi kasampalagan boogizan kotohu diho, minoboos i Musa do timbangon disido o atag diho songian adadi tuhun toomod miampai poimagon ontok ko 13 vuhan Kosizam diti.
Id iso laman web media, nosunud i Tian Chua do minoboos do aiso tonggungan montok di Musa papahabus boos miaga diho i okito do kuminam mamaha boogizan pointantu om gumabas sondii mantad piipio ahal.
Musa, 59, i mimang nokopinsin di 2007, noputan o kotoinaan miampai kutilik disido ninvaguvan soginumu induvo om mimang pinsin ontok ko 12 vuhan Kosizon diti, songian ahapas miampai do tinimungan PDRM diho do 41 toun.
|
