|
2nd September, 2010
TAWAU: Songuhun koonduan kiumul 25 toun nasamaanan nopujulan kiniopon miampai tahanan noihitan wayol, id iso hinimput id Sabindo di kuanghobi jam ko 8.10 totuvong, di Tadau Koduvo nakatahib.
Huguan Pulis Uvang Tawau, ACP Ibrahim Chin minoboos, koonduan tuhun Indonesia dino kikotumbazaan do dinuso id piahatan jam ko 7.05 totuvong gisom 8.00 totuvong, ontok tadau di miaga.
Ontok diti ka disido boogizan pulis nokoponimung no tanda ngavi katapatan mantad tampat kinantakan kaampai no mongintutun sasi ngavi nokogompit.
Songuhun natandasan kusai tinaan nogi montok monuhung koponoizukan.
“Otumbazaan tokou kiis momoduso diti nopo nga kituduvan humusi om opihadan,” ka di ACP Ibrahim.
Minoboos isido, tinan koonduan dino nasamaanan kibasaan poingonop om balang kihoogo disido miampai tolifaun piovit-ovit kakal doiho.
Mantad dino, monokianu i Ibrahim dioho i nokokito do kapapanaai misosonguhun id piahatan jam ko 5.00 minsosodopon gisom 8.00 totuvong, id uvang kinantakan mooi do sumikap popohuzung kopoihaan kumaa boogizan pulis.
Kopoihaan ka disido aanu popohuzung kumaa Upisol Mononoizuk ASP Affandi id tolifaun 089-752222.
Kiis diti ka disido soizukon tumanud Seksyen 302 Kanun Koponinduahan.
Boogizan pulis minomolisa tinan koonduan dino montok pootodon id Hamin Pongusapan Tawau montok angkab pamazazakan.
|
