|
|
|
Siti Zawayah pinopotunui sakadai usin kuminaa songuhun mantad mohoing miampai nintangan di Zakiah, Aziah, Dahlan om Efarudin.
|
1st September, 2010
KOTA KINABALU: Tinimungan mohoing tondu notongkizadan mositi monongkiaau kosivatan pakalajaan om pinghudaan ngavi popoinsavat sosio ikonomi i pinotounda do kopolintaan, ka di Huguan Puteri Umno Malaysia, Datuk Rosnah Rashid Shirlin.
Minoboos isido, tonggungan i binabo do songuhun mohoing tondu notongkizadan montok mamagazo do tanak om popotihombus do koposizon okon no ko koihan, miampai dino izioho mositi kivaa hizab di takavas om au ouhan ababasan montok mogium pomiukutan di pointantu.
“Kopolintaan mazaa Koupisan Kotundaan Koonduan om nogi Koupisan Kotundunan Mogiigizon pinopotounda mogisusuvai abaabazanom geran sakadai montok monimpuun pongindopuan.
“Pinghudaan montok mohoing tondu notongkizadan montok papavakas kinavas kousinan om ikonomi nogi pinotounda. Mokianu zou do tinimungan diti kaanu mongintong id agensi ngavi kopolintaan kogompit montok koonuan kotoinaan ponontudukan,” ka disido.
Minoboos isido dino id Abaabazan Sinar Ramadan naazu Puteri Umno Sabah miampai pisokodungan Puteri Umno Malaysia id Hotel Beverly totuvong Tadau Minggu.
Teks pason disido pinohombus di Exco Puteri Umno Malaysia, Siti Zawyah Zainuddin i nogi Ponikoon Biro Kotundnan Kotoinaan Sosial Puteri Umno Malaysia.
Id lamai dino kiginumu do 20 tuhun mohoing tondu notongkizadan nokotoimo do iso kampit vagas sakadai bernas om usin kopiondot do vuhan Ramadan. Mohoing ngavi tondu dino mantad uvang Papar gisom bandaraya Kota Kinabalu.
Nokotindapou nogi, Naib Huguan Puteri Umno Sabah Zakiah Kalipunya, Exco Puteri Umno Malaysia Dayang Maimunah Sidek, Panakadai Monunuat Hongkod Zakat Sabah Dahlan Marali, Panakadai Monunuat Puteri Aziah Atoh, Panakadai Monozibut Puteri Effaridun Datuk Ismail, Huguan Kointahangan Puteri Nazliah Ali om huguan ngavi Puteri Umno boogizan.
Rosnah i nogi Panakadai Montili Kohidasan Malaysia nga minonuu Puteri Umno Sabah mooi do kaanu monuhung popohuzung sakadai kumaa mohoing ngavi tondu notongkizadan i momoguno sakadai.
“Humansan zou pongkimamaan diti potihombuson om adadi abaabazan koubasanan Puteri Umno Sabah montok monuhung mogiigizon i momoguno dino,” ka disido.
Kopiondot dino, humansan i Rosnah Abaabazan Jelajah Ramadan i ozuvon potitikid pogun aanu manaak koponoimaan om potihombuson id potitikid boogizan toi ko laan miampai popobuu tinimungan i momoguno sakadai.
“Hobi ginumu abaabazan montok minsomok om monuhung layat, hobi ginumu pongkimamaan aanu tokou popohuzung om iti kapanaak impoon kumaa puu ngavi Puteri Umno montok monoodo hobi pilotian,” ka disido.
|
