|
30th August, 2010
LABUAN: Kivaa nodii do hintuun balajalan (kuliah) di kavavagu do tiinu do Univositi Malaysia Sabah Kampus Sompomogunan Labuan (UMS-KAL), i kopogompit kopoobian soginumu RM30 lizong gisom RM40 lizong id siibo Palan Malaysia Koopod (RMK-10).
Minoboos i Timbang Canselor Univositi Malaysia Sabah (UMS), i Jeneral Prof Datuk Seri Panglima Dr Kamaruzaman Ampon (id gambal) do suvai ko iho, manalan nogi o UMS-KAL do momo’uang hongkod asrama binuzu ko’uangon ginumu susumikul di pisosoomo mantad 2,000 do babaino diti, kumaa do 5,000 tuhun id suang timpu himo toun.
Ontok ponogi diho ka disido, piipio koumatan do suvai id siibo kopoobian RMK-9 di au po nakapanau, nopo nga potihombuson miaga do projik popoingkavas ningkokoton kompliks sipoot di kiningkokoton sompomogunan om monoodo hivang pomoinan futsal.
“Savi avi koumatan diti nopo nga ingkavasan dotokou do ningkokoton montok mamantod po vagu do UMS-KAL sabaagi iso hongkod di totootopot kivaa koumatan di kiningkokoton sompomogunan,” ka disido kuminaa doid monunuat abal di kahapas abaabazan Kinapataakan Projik Sistem Ponimungan om Gunoon Mahik Vaig Asam, sinakadai do Petronas Sdn Bhd, di kavavagu diti.
Ka disido, duuduvo projik di kopogompit hongkod pambasaan buuk om nogi hintuun balajalan diho nopo nga noonuan no kahantazan di pisosoomo aanu todoon ontok
|
