|
|
|
stesen tumau i nogompitan nogi do nohizudan.
|
29th August, 2010
TAWAU: Asam tasapou i potihombus nontodonon do piipio kampung id uvang diti nokotoguvang hizud, di koniab.
Noihaan do New Sabah Times, vookon kampung i nokotoguvang dino nopo nga Kg. Pasir Putih, piipio kampung id posoihi talun alun Apas om iso’ stesen tumau id kakadazan diti.
Songuhun nogompitan i poingizon id Kg. Pasir Putih, Ariffin Acho,30an, minoboos hizud tuminimpuun di minsusuvb gisom nakadampot id poo.
“Baino diti id talun alun kopoguhu pindoos Bukit Gemok (talun akun kumaa Pasir Putih) aanu nopo tumahib do padsakazan takavas,” ka disido ontok otuubungan di minsusuvab koniab.
Naamot dino, songuhun mogiigizon Kg. Batu 1, talun alun Apas i ointutunan nopo do Ja, 40, vagu minoboos, hizud dino nontodonon do hivang hamin disido nosuang hizud.
Mantad no dino, monuu isido boogizan ngavi kikuasa kogompit mooi do maganu haang tabaa montok monguhan kobohingkangan hizud id uvang diti miaga do mambaakas palit om papas.
|
