|
31st December, 2020
Di MARUTIN ANSIUNG
KENINGAU: 42 pain raha’ notimung id kimpin monoluod raha’ pinaanjur do Koisaan Jiang Man Wu Yi om Koisaan Hainan sinokodung do Unit Transfusi Raha’ Walai Poingubatan Watas Keningau id koiyonon pasar totuong do hiti di tadau Minggu’ katatalib.
Ponorikohon Koisaan Jiang Man Wu Yi i Kapitang Frankie Fong minoboros, kimpin dilo’ montok monguhup do unit transfusi walai pongubatan watas monimung sitok raha’.
Ka disio, tikid mononoluod raha’ id kimpin dilo’ nakaramit do ponuau-suau RM20 mantad manganganjur.
I Puru Lintuhun Koundangan Pogun (ADUN) Bingkor po nogi Monguhup Montiri Karaja Tagayo Datuk Robert Tawik
nokotindapou do minooi patahak sokodung kumaa manganganjur om tongo’ mononoluod raha’.
Nokotindapou nogi i Ponorikohon Koisaan Hainan Keningau i Tan See Boo, Chee Sik Laik sabaagi ponorikohon manganganjur om Puru Kounsol Watas Keningau nogi’ tongo’ lalansanon koisaan.
|
