|
30th December, 2020
KOTA KINABALU: Ponorikohon Ibu Tunggal Kebangsaan Malaysia (PITKM) Datuk Rosimah Zakaria minamaramit tosonong kinoposilihan duo koonduan montok momuruan kotinanan tosuul id surupukaraja’ koporintaan pogun.
Minoboros isio kinoposilihan di Noorliza Awang Alip sabaagi tondu kumoiso’ Mayor Dewan Kakadayantagayo Kota Kinabalu om i Datuk Nor Aisah Mohd Yusof sabaagi Luyar Tagayo Pogun Sabah nopo nga’ iso’ kapamantangan montok koonduan id pogun diti.
“Kinoposilihan dilo’ sabaagi iso’ kopongokunan om kotumbayaan di Boyoon Montiri Sabah Datuk (Seri) Hajiji (Noor) kumaa koonduan.
“Yolo’ diti kinawawayaan om kosudong mindikau om momuruan surupukaraja’ koporintaan,” ka disio id iso’ kopointalangan media di konihab.
Pinointalang disio laang dilo’ kopongungkalat do ginumuan lolobi no siktor korporat montok mongukab lobi kogumu’ kosiwatan kumaa koonduan om kotumbayaan do tinimungan dilo’ kaanu momuruan toisoiso’ kotinanan kumaa do lobi kosonong om iti okon ko’ kohimpogong do koonduan gumura’ kopiongoi do kokusaian.- Di NOOR ZAFIRA SHAFIE
|
