Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

PATI kuminam mogium pakalajaan id pogun diti nouzazang

30th December, 2020

DI NAZRINI BADARUN

TAWAU: Himo modiidikot aiso kasagaan (PATI) kaampai no songuhun tanak i kuminam sumuang id pogun diti montok mogium pakalajaan tinaan poguhui nouzazang kumaa pogun nontodonon di tadau Koiso.

Id suang kointahangan do Markas Divisyen Kohimo Infrantri Malaysia (5 Div) minoboos kinantakan dino nantakan di sector Ops Benteng id uvang tonggungan Briged Kohimo Infantri Malaysia (5 Briged) ontok di jam ko 5.30 minsosodopon id uvang pivohitan piahatan Tawau om Indonesia.

Tumanud kointahangan dino, iso tinimungan puu nokopongintutun saviavi PATI dino i mantad dioho duvo kusai om duvo koonduan miampai songuhun tanak tondu nokoikot mantad ponong Indonesuai maamaso minsomok uvang pomutanaman piasau mamau id pivohitan Malaysia.

Asil pinomolisaan noihaan kaapat-apat PATI i nagakom dino aisod o suat kointutunan i pinasaga kiumul piahatan 28 gisom 32 toun om tanak kiumul 5 toun i suminuang id lahan aiso kasagaan.

“Angkag kaapat-apat PATI totuo i nagakom suminuang id Malaysia montok mogium pakalajaan id suang boogizan pomutanaman i kikotumbazaan tinuhung tumanud toihaan suminang koinduvo do songuhun PATI kusai i nagakom,” ka disido.

Saviavi PATI dino nouzazang humabus mantad Malaysia miampai tinanud do puu kumaa pivohitan Indonesia di kuang hobi jam ko 8 totuvong miampai luputan pulis tinoodo nogi di balai Kalabakan montok koponoizukan sumusuut.

Naamot dino Panglima 5 Briged, Brig Jen Zambery Jefry Darus pinopoiho pivohitan tinda pogun Sabah i mivohit miampai Indonesia pinopoiho pivohitan tinda pogun Sabah i mivohit miampai Indonesia tomoimo tamangan togigiot do boogizan susumangod om uhudon vagu mazaa kolaberasi Op Benteng i pinobuu do National Task Froce (NTF).

“Suvai ko mamagakom om manahob abaabazan tumahib pivahit, 5 Briged nga mongintong PATI taanon nogi uzazangon humabus montok manahob koohian COVID-19 miampai aiso ponukapan,” ka disido.

Minanaak nogi isido kopoingatan kumaa mogiigizon kinoizonon i pakalaja id pomutanaman mooi au adadi dudumagang i mogovit sumuang PATI id pogun diti.

   
Email Print