Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

Kapadagangan pinulu id Sabah, Sarawak pogioton

30th December, 2020

LANGKAWI: Panamangan kapadagangan punulu sandata tapui id kadai kilisin hoohobi no kozo id Sabah om Sarawak pogiioton, ka di Huguan Pulis Pogun Tan Sri Abdul Hamid Bador.

Minoboos isido haang dino naanu do Pulis Diraja Malaysia (PDRM) sumusuut totondos do kivaa boogizan i papadagang pinulu kumaa sanganu sandata tapui aiso kasagaan id pogun dino.

“Noihaan do boogizan ku do ogumu sandata tapui tinoodo sondii toi ko i aiso kasagaan hinimu sumuang kumaa Sabah om Sarawak, nga momoguno izioho pinulu (pinadagang) id tampat kilisin.

“PDRM popogiot panamangan id kadai ngaavi dino, mooi izioho (sanganu sandata aiso kasagaan) aiso kosivatan montok momoguno sandata aiso kasagaan,” ka disido id pitimbungakan abal kahapas Mitingan Kalaja Pisokodungan Khazanah (OBK), id doiti, di koniab.

Kokomoi mitingan di koniab, minoboos i Abdul Hamid PDRM hinansan Koupisan Koponoizukan Kahasaan Tavagat (JSJ), Koupisan Koponoizukan Takavas Komersial (JSJK) om Laan Poimida misokodung miampai agensi kogompit id suang OBK, montok moguhud haang kumaa huhumasa popoompit tungkus pogun.

“Otuhid tokou id suang ahal diti saasabap no do kivaa pogovitan boos haang dotokou au kadampot kumaa kohimpupuson dino, mogohimu i nagakom (tuhun) id siibo no.

“Intangan dotokou okon nopo monolungku dioho (huhumasa) nga mombingkalap dioho i mamaamasi miampai asil aiso kasagaan,” ka di Abdul Hamid.

OBK tinoodo id suang piipio fasa kotimpuun Vuhan Kosizam toun nakatahib pinopoompit pisokodugan piipio agensi kaampai no PDRM, Koupisan Kastam Diraja Malaysia (JKDM), Koupisan Imigresen Malaysia (JIM) om Koupisan Pias Semenanjung Malaysia (JPSM).

Kalaja dino kiangkab montok monguhan ahal ngaavi ponugkuan, panagadan kazu aiso kasagaan, aasil pias pogun miampai pogosuvan mamasi tosizau, kaampai no kahasaan ngaavi suvai id siibo Akta Pomogompizan Mamasi Tosizau 2010. Bernama

   
Email Print