Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

APMM nakapanaan iso padau susumakai au tuminanud kootulan lisin

29th December, 2020

Di NAZRINI BADARUN

TAWAU: Agensi Monguasa Maritim Malaysia (APMM) nakapanaan iso padau susumakai kahapas noihaan au tuminanud kootulan lisin ontok di Tadau Minggu.

Id suang kinantakan di jam ko 12.30 doungadau di koniab songuhun tekong om kru tuhun kinoizonon tinaan miampai balang tamangan nga nagamu id suang do padau dino.

Potunud Zon Maritim Tawau, Kpt Maritim Siva Kumar A/L Vengadasalam minoboos, padau dino nataan poindoos Lolokiton Custom, Imigration and Quarantine (CIQ) haid, Tawau.

“Padau miampai koumpasan balang tamangan dino kikotumbazaan pougadan kumaa Pulau Sebatik ginazat montok pomolisaan do padau monoizuk Zon Maritim Tawau id suang siri koponoizukan Op Sejahtera/ Op Cegah PATI Selatan Covid-19,” ka disido id suang kointahangan.

Tumanud disido, pinomolisaan noihaan padau nokogompit nokolijisgo id savat kelas susumakai nga ginuno montok popoumpos om momiangkat balang.

“Padau dino minogovit koumpasan 10 tuung gas cecair petroleum (LPG) om 720 kilogram (kg) gula miampai au nakahantoi pinopokito popomit balang dino,” ka disido.

Minoboos i Siva, padau miampai duvo kru nokogompit nga tinanud suminuang id lolokiton Maritim malaysia Tawau montok koponoizukan sumusuut.

Kiis dino pataakon kumaa upisol monoizuk Zon Maritim Tawau montok soizukon id siibo Enakmen Koupisan Lolokiton Kapal Vaig om Dermaga Sabah 2002 (JPDS) om Akta Panamangan Kaganapan 1961 tu huminasan momoguno lisin om minogovit balang tamangan aiso poomit.

Isido ontok po nogi dino pinoposoou kumaa komuniti maritime id pitakasan Tawau mooi tomoimo tumanud potitikid sakadai id suang Enakmen Koupisan Lolokiton Kapal Vaig om Dermata Sabah 2002 montok kahasaan ngaavi di popoompit pomogunaan lisin padau.

“APMM tuutulus papavakas kalaja pongintangan, koponoizukan om ponguasaan do soosongian nopo montok mongintong mogiigizon posoihi katanud sakadai undang-undang id zon maritime pogun,” ka disido.

Ka disido, tuhun ginumuan kavasa monoodo sogu taabo-abpo om popohuzung kopoihaan kahasaan tavagat tumahib pivohitan id pitakasan Tawau kumaa Hongkod Kalaja Maritim Malaysia Tawau id talian 089-752115 toi MERS 999 i oukab 24 jam.

   
Email Print