|
28th December, 2020
SANDAKAN: JCI Sandakan miampai sokodung do JCI Malaysia Watas Sabah popotoluod do Kogogonopan Pongumolig Tinan (PPE) maya’ projik mogigiyon ‘Share Your Love’, montok pakakaraja’ sogulu kolidasan montok COVID-19 do Walai Pongubatan Duchess of Kent (DOK) Sandakan om Walai Pongubatan Kinabatangan.
PPE dilo’ pinotunui kumaa ngoduduo walai pongubatan di Presiden JCI Sandakan i Vannessa Lim, Monobubut Sabah po nogi Presiden Immediate Past Sandakan i Michael Chang, puru JCI Sandakan om nogi ponorikohon manganganjur i Jacky Sak.
“JCI Sandakan agayo pongunsikohan kumaa abaal mananamong kolidasan i kumaraja’ poinponu tonggungan montok koumoligan do tanak om kolominan id watas Sandakan om nogi Kinabatangan. Agayo kounsikohan tokou popotoluod do kogogonopan diti montok monguhup papatantu’ poumolig yolo’ ontok papapanau karaja’ om id kosokodungan kumaa Komontirian Kolidasan mantad pinggisoman diolo’,” ka di Jacky.
JCI nopo nga’ kotinanan okon ko’ mokimountung miampai puru tongomulok kiumur 18 gisom 40 toun i kaampai id ababayan kiwaya’ tosonong kumaa mogigiyon.
Montok kointalangan potilombus kaanu momoromut JCI Sandakan id numbur 014-352 9158 toi maya’ Facebook ‘Junior Chamber International Sandakan – Malaysia’.
|
