|
28th December, 2020
LABUAN: Sokukuri’ do 16 tinan manuk bosoungan naahou om apat kusai tinahan soira’ pulis minonungod koulalaho’ dilo’ i pinoindalan id watas gouton Kampung Sungai Bangat do hiti, tadau Kolimo katatalib.
Luguan Pulis Watas Labuan Supt Muhamad Farid Ahmad (gambar) minoboros pinonungodan di jam ko 3.30 sodopon maya’ Op Dadu Judi Laga Ayam dilo’ winonsoi soira’ bohogian disio nakaramit ogumu’ ruputan mantad mogigiyon kampung.
Mio’ontong minoginangkus soira’ nokopuriman kinorikotan do bohogian kikuasa’, minonongkiad di apat tulun mitonggoi do manuk bosoungan dilo’, ka disio.
“Nung kogompit kou do mitupa’, toi i no manuk dokoyu i mikurub, toi muhup nopo do tambalut minjudi, pointatap dokoyu do gombiton… ondos daa doti’ diolo’ om kabalan yolo’ mantad orolihan virus COVID-19,” ka disio kumaa
Bernama.
Tumanud disio kaapat-apat kusai i kiumur 18 gisom 54 toun dilo’ dawahon tumanud Seksyen 29 Akta Kebajikan Haiwan 2015 i pinopoloting do 21 kasalaan kosuul no kopoimamangan do tayam.-Bernama
|
