Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

COVID-19: Kada’ pongudut di pakakaraja’ kolidasan

28th December, 2020

KUALA LUMPUR: Luguan Potunud Kolidasan Tan Sri Dr Noor Hisham Abdullah di konihab minokianu mogigiyon do amu’ mongudut kukumaraja’ kolidasan miampai mogolim di koyuon kolidasan diolo’ soira’ rumikot mokianu pongusapan toi montok poniisan COVID-19.

“Kada’ pongudut do ‘frontliners’, yahai nga’ kiguno nogi do umoligan, haro paganakan om tongo tambalut, kada’ pongimamang do frontliners,” ka disio maya’ Facebook, do hiti konihab.

Minoboros isio dilo’ sabaagi suminuku’ pinoilangan di songulun dokutur i minomonsoi kapaatadan maya’ Facebook karait susumakit i mongudut ontok mindalan poniisan kolidasan nokopogowit di kukumaraja’ kolidasan norolihan do COVID-19.

Id kapaatadan dilo’ i pinoilangan nogi di Dr Noor Hisham id akaun Facebook disio, dokutur tondu dilo’ minoboros haro songulun susumakit i ruminikot doid walai pongubatan montok pinibatosan ‘imbasan tomografi berkomputer’ (CT scan).

Susumakit dilo’ minangakun do olidas di ontok pinorisa’ id susuangon koupisan om pinasaga’ sumuang sabab linasu tinan nga’ osonong, ka di dokutur dilo’ id kinapaatadan dau.

“Yoho’ nopo nga’ dokutur i pinoposodia’ do susumakit diti montok scan (kopointalangan karalano’, kinapadakatan IV branula om sopiagal dilo’). Nokotigog kopio yahai soira’ nokokito gambar topos dau id CCT miagal di topos do susumakit COVID-19.

“Soira’ do nuhot kawagu, tohuri nopo nga’ minangakun dayau do kukulan om luminasu’ solinaid sominggu, nga’ kopuriman no do amu’ songkuro kolidas di ontok ruminikot montok batos pirubaan CT. Atalang do laang dau dilo’ nokoponginggorit tulun suai. Susumakit dilo’ pinoimagon do positif COVID-19 katalib duo tadau,” ka dau minonurat.

Nosusuhut dilo’, dokutur nokomoi minindalan poniisan COVID-19 om pinoimagon do positif tomporuruol dilo’. Isio i kakaus di pogoyuon do susumakit dilo’ pinopolombus kotongoban sabab nasansagan tumongkiad do paganakan.

“Kootusan swab nokoilo doho do positif. Minihad oku soira’ nokoilo sabab tumongob asansagan mitongkiad miampai tangaanak om sawo. Tumongob kohondot paganakan om tambalut sangkaraja i pikikiro doti do norolihan ku. Kakaus oku di pogoyuon do susumakit ku.

“Mokinsian do kada’ yahai udutai nung kitanda’ kou no. Laang dokoyu kopogompit susumakit suai, kukumaraja’ kolidasan nogi paganakan diolo’. Yahai nga’ tulun nogi,” ka disio pinoposurat.

Di ko 22tw Kohopod om Duo katatalib, i Dr Noor Hisham pinapabanta’ do 1,880 kukumaraja’ kolidasan pinoimagon positif COVID-19 maya’ pinoniisan i winonsoi gisom di ko 15tw Kohopod om Duo.-Bernama

   
Email Print