Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
AmBank Islamic introduces Personal Financing-i |  Malaysia's 2021 growth rate expected to be at 6.6 pct – APIB CEO |  Kartel daging: kada’ komoyo’ nasalasai, KPDNHEP amu’ po ‘nokopomoug’ |  42 pain raha’ notimung id Keningau |  Pengguna jalan raya Beaufort ke Sipitang merayu pihak JKR dan pihak kontraktor perbaiki lebuh raya rosak |  Ketika sastera New Sabah Times berikan kita kenangan |  Sukarelawan tempatan sumbang barang makanan kepada 160 keluarga terjejas PKPB |  42 pain darah berjaya dikumpul anjuran Persatuan Jiang Man Wu Yi |  Perintah berkurung di perairan ESSZONE dilanjutkan 15 Jan |  Ucapan terima kasih, penghargaan untuk NST |  COVID-19: Polis adakan sekatan jalan raya di kawasan penempatan UNHCR Labuan |  NEW SABAH TIMES AKHIRI PENERBITAN |  Juliani to spearhead Sabah |  Cataract patient gets back normal eyesight with aid from RCKK Pearl, EyeMedics Specialist Eye Centre |  UMS PhD students shine at international conferences | 
 Kadazan Dusun

Sabah popobuu hongkod kohobusan IKS toun tiiso

23rd December, 2020

KOTA KINABALU: Polina pogun mangatag montok popobuu konsep Hongkod Kohobusan Pomounan Toniini om Uha-uha (IKS) toi ko Kedai IKS id piipio uvang kopoguhuid Sabah ontok tun tiiso, ka di Kumoduvo Vozoon Montili Datuk Dr Joachim Gunsalam.

Joachim i nogi Montili Kotundaan Pomounan Sabah minoboos, Hongkod Produk IKS i tinoina do Koupisan Kotundaan Pomounan om Koponoizukan dino tinuidong montok monguhan mongindapu IKS kinoizonon popokito om papadagang produk ngaavi dioho.

“Gisom baino diti, Hongkod Kohobusan IKS Sabah kivaa hobi 1,000 kavo produk IKS i kavasa dagangon,” ka disido id pitimbungakan Dewan Koundangan Pogun (DUN) Sabah id doiti, dikoniab.

Minoboos isido dino montok monimba tudizo Datuk Jaujan Sambakong (Warisan- Sulabayan) i kiangkab mokiiho haang polinta pogun montok monguhan kobohingkangan atagakan pakalajaan om ontodonon tangangazan IKS tanda mantad pandemic COVID-19.

Minoboos i Joachim, polinta pogun minaganu piipio haang tabaa montok monuhung monguhan kobohingkangan di notoguvang mongindapu IKS i nogompitan kaampai no popotounda abaabazan Sakadai Pongindopuan IKS (BAIKS), ino nopo nga geran pomohizan mesin om kaganapan miampai pamahapatan produk.

Gisom baino diti, kiginumu RM10 lizong noguno montok monuhung mongindapu nokogompit popobuu pongindopuan dioho, miampai kiginumu 1,070 mantad tinimungan dino nokotoimo kovosian abaabazan dino, ka disido.

“Miampai kivaa sakadai diti, mongindapu kaanu popoinsavat tangangazan kohobusan om kaanu popotindooi pakalaja haid miampai maganu pakalaja pouangon,” ka disido.

Minoboos i Joachim polinta Sabah nga popotounda sakadai id lahan insan manaak RM1,000 montok mongingaan tonggungan kohuzungan kousinan mongindapu mikro om kotej, miampai kiginumu 20,000 mongindapu nakaanu kovosian dino.

Minoboos isido komontilian disido nga pinopoimagon GoBiz montok monuhung mongindapu IKS papadagangn kohobusan id lahan suang talian, id nombo gisom baino diti, impoon e-dagang dino monuhung popoinsavat kapadagangan kohobusan kumaa hobi 155 mongindapu IKS Sabah. Bernama

   
Email Print