|
29th July, 2010
KUALA LUMPUR: Manaak o kopolintaan do subsidi kos pongusapan soginumu RM9.9 bilion montok susumakit di kaanu pongusapan id Kolinik 1Malaysia.
Minoboos i Kumoduvo Montili Kohidasan, i Datuk Rosnah Abdul Rashid Shirlin do ontokon noopo o susumakit kinoizonon do pambalazan kotoinaan RM1 pibagahon do caj RM15 montok layat songkosuvazan.
“Pisuvazan pambalazan kotoinaan diti nopo nga montok mongiho kozo do layat Malaysia do kounonom subsidi di pinataak do kopolintaan,” ka dosido suminimba tudizo di Senator Datuk Daljit Singh Dalliwal di ontok pitimbungakan Hintuun Negara, do doiti di koniab.
Poingkuo po nga tumanud di Rosnah, aiso kopoihaan do Komontilian Kohidasan montok kos subsidi montok potitikid susumakit id Kolinik 1Maaysia.
Gisom di ko 25 vuhan Kotuu di toun diti, mantad 721,888 susumakit di nakaanu kotoinaan id Kolinik 1Malaysia, au nokoikot do iso piatus mantad do layat songkosuvazan.
Minoboos i Rosnah do Kolinik 1Malaysia montok babaino diti nopo nga au popotounda kotoinaan pongusapan hemodialisis montok susumakit huhunsou tavak.
Kotoinaan hekodialisis nopo nga potoundaon noopo id hamin pongusapan kopolintaan tu Kolinik 1Malaysia nopo nga aiso infrastruktur di kosudong om aiso dokutul tabaa id pongusapan nokomoi, ka dosido.
Minoboos zosido do gisom baino diti, kivaa soginumu 485 hongkod dialysis om 5,255 misin dialysis id pototongkop Malaysia montok soginumu 17,477 susumakit huhunsou tavak.
Hongkod dialysis diho nopo nga toguvangon do kopolintaan, boogizan swasta om kotinanan okon kopolintaan (NGO).
|
