Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
_1
A Wonderful Treat for Cider Lovers this Apple Day with Somersby |  Daikin sets up biggest ASEAN Oceania centralized distribution hub in Malaysia |  AmBank Group receives three awards at Malaysian e-Payments Excellence Awards |  FOCUS POINT RAISES AWARENESS ON EYE HEALTH FOR WORLD SIGHT DAY 2020 |  WATSONS PRESENT 7-DAYS OF EXTRA ONLINE SALE |  Flash floods hit Kota Kinabalu and several areas in West Coast |  Public bus services in S’kan suspended for two weeks |  Blow to Sukma preparations |  Revington returns with dual mission |  Tabung Haji targets 500,000 depositors using THiJARI by year-end |  Retail, individual investor participation continue to increase |  Hizud nokotongob do mogiigizon |  Haang tokodou manahob koohian COVID-19 tinaak kumaa MKN |  Tana nopiang: Talun-alun kopoguhu mantad Kota Kinabalu - Ranau noputu |  PKPB id Kota Kinabalu, Penampang om Putatan | 
 Kadazan Dusun

Pokisompuruan i Rubin id Kabinet mongobi’ Murut

1st October, 2020

Di MARUTIN ANSIUNG

TENOM: Rayat Kemabong mokianu do koporintaan Gabungan Rakyat Sabah (GRS) i babaino diti buruanon di Boyoon Montiri Datuk Seri Hajiji Noor do poposili di Puru Lintuhun Koundangan Pogun (ADUN) Kemabong Datuk Rubin Balang sabaagi Montiri toi sokukuri’ do Monguhup Montiri.

I Kumoduo Luguan Kopointalangan Bohogian Parti Pribumi Bersatu Malaysia (Bersatu) Ansabung Kulayah minoboros, apatut di Rubin silihon sabaagi montiri poingulud doid Kabinet montok mongobi’ tinaru Murut.

Ka disio, i Rubin nakalantoi tindikohon DUN (Lintuhun Koundangan Pogun) Kemabong id tikit Bebas, nokoponoluod nogi do tindikohon GRS miampai di suai kawagu calon Bebas yolo’ nopo nga’ i Datuk Masiung Banah (Kuamut) om i Rudy Awah (Pitas).

“Suai ko’ nokopouhup tindikohon, i Rubin kakal po do korohian rayat Kemabong o kosuul no.

“Kohondot dilo’ apatut disio silihon sabaagi montiri toi sokukuri’ do monguhup montiri,” ka di Ansabung id iso’ kointalangan do hiti, konihab.

Minoboros i Ansabung do id nuludan Kabinet di Hajiji nokoposili no do tolu Kumoduo Boyoon Montiri om Duo Montiri Totuo nga’ aiso’ po mongobi’ do tinaru Murut.

“Kalansanan tokou mooi do i noolu’ karaja’ montiri i amu’ po nosuangan haro mongobi’ do tinaru Murut,” ka disio.

I Rubin po nogi Presiden Koisaan Murut Sabah (PMS) nakalantoi do tindikohon DUN Kemabong maya’ tikit Bebas miampai majoriti 1,012 minangala’ di calon UPKO Datuk Dr. Lucas Umbul, Datuk Raime Unggi (BN-UMNO), Juster Peter (LDP), Tai Jin Kiong @ Alfred om i Rainus Sagulau (USNO).

I Rubin miampai duo kawagu ADUN Bebas minonokodung do GRS i nakaanu 37 tindikohon nokoposili nomungan dilo’ do babaino’ diti pasanganu 41 tindikohon.

   
Email Print