Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
_1
A Wonderful Treat for Cider Lovers this Apple Day with Somersby |  Daikin sets up biggest ASEAN Oceania centralized distribution hub in Malaysia |  AmBank Group receives three awards at Malaysian e-Payments Excellence Awards |  FOCUS POINT RAISES AWARENESS ON EYE HEALTH FOR WORLD SIGHT DAY 2020 |  WATSONS PRESENT 7-DAYS OF EXTRA ONLINE SALE |  Flash floods hit Kota Kinabalu and several areas in West Coast |  Public bus services in S’kan suspended for two weeks |  Blow to Sukma preparations |  Revington returns with dual mission |  Tabung Haji targets 500,000 depositors using THiJARI by year-end |  Retail, individual investor participation continue to increase |  Hizud nokotongob do mogiigizon |  Haang tokodou manahob koohian COVID-19 tinaak kumaa MKN |  Tana nopiang: Talun-alun kopoguhu mantad Kota Kinabalu - Ranau noputu |  PKPB id Kota Kinabalu, Penampang om Putatan | 
 Kadazan Dusun

Hajiji kaanu momupus kokusutan pulitik Sabah

1st October, 2020

KOTA KINABALU: Kinoposilihan di Datuk Hajiji Noor sabaagi Boyoon Montiri Sabah di wagu di tadau Koduo okito sabaagi ‘wisel pomupus’ montok koinsanai kokusutan pulitik notoguang pogun diti, i noinggog pointonod podi pipiro wulan nakatalib.

Kinopomilian Ponorikohon Perikatan Nasional (PN) Sabah dilo’ nga’ nokoponodu’ nogi’ koburilongon om pagkakaa kokomoi koponuridongan koporintaan pogun wagu om ahal boyoon montiri i momuruan pomorintaan Sabah montok penggal posusuhut dilo’, ka di pipiro mononorisid pulitik nokoiyonon.

Mononorisid pulitik mantad Univositi Malaysia Sabah (UMS) Dr Romzi Ationg minoboros, pogiupakatan mongongobi’ rayat om lansanon parti id Gabungan Rakyat Sabah (GRS), kapaampai do PN, Barisan Nasional (BN) om Parti Bersatu Sabah (PBS), minomili di Hajiji sabaagi boyoon montiri Sabah di wagu nga’ iso’ nogi’ ahal i apatut powonsoiyon montok koundaran pogun diti.

Kohondot dilo, oinsanan bohogian kiguno poposinggaa’ guang potilombus dino monokodung di Hajiji id pinggisoman papatantu’ Aku Janji i po nogi manifesto parti nomungan dilo’ aanu popoindalan potilombus dino otumboyo’ poinsonong montok koundaran rayat Sabah, ka disio.

“Otumbayaan oku di naangayan kopomuruanan pasanganu di Hajiji, kaanu isio mogowit Sabah kumaa iso’ koyuon di lobi kosonong miampai koburuon ogirot kopiongoi di angkab rayat id pogun diti, nga’ mositi’ no do aiso’ kokusutan pulitik di aantakan,” ka disio kumaa Bernama.

Montok mononorisid pulitik, i Tony Paridi Bagang mantad Univositi Teknologi Mara (UiTM) Sabah, kinopomilian di Hajiji sabaagi boyoon montiri wagu kopokito piupakatan om pogititimbangan id nayatan komponen GRS.

Kohondot dilo’, ponguhotan kokomoi songkuro sinodu’ kogoosan di Hajiji id kopogowitan korikoton Sabah sapatut amu’ nodii koimbulai sabab nopili’ om sinili no isio suminili boyoon montiri, ka disio.

“Mositi disio popokito kogoosan monumboyo koinsanai angkab rayat. Mantad po nogi dilo’, nuludan Kabinet disio kiguno do ogirot, aadang om kaanu kumaraja’ miampai kiwaya’,” ka disio pinopointalang.

Naamot dilo’, Mononolidik Geo-Pulitik om Elektoral Sabah (GeOpeS) UMS Dr Syahruddin Awang Ahmad minoboros, kotumbayaan i Haiji do kaanu mogowit Sabah kumaa iso’ gontob di iman-imanon do toinsanan tinimungan kosuul no tongo’ sukod wagu loolobi id ahal kopoinggarasan ikonomi digital.

Iti sabab do tantu’ no di Hajiji nokokito koinsanai kinosimbanon om kopokionuan mogigiyon babaino’ diti i lobi kumaa kororohian om koyuon pogiuhupan di sukod wagu kosuul no id sunduk ikonomi ‘gig’ miagal do pongindopuan id suang talian,” ka disio.

“Suai ko ilo’, i Hajiji pasanganu pogogoyuon sabaagi songulun mokikinongou di osonong om toririmo mongilo di koposion toinsanan tulun i buruanon dau, id timpu di miagal, minggisom monumboyo’ kopokionuan diolo’,” ka disio kawagu.

Ka di Syahruddin i Luguan Tinan Momuruan Parti Pribumi Bersatu Malaysia (Bersatu) Sabah dilo’ okito nogi sabaagi songulun lalansanon kitonggungan, pasanganu kabaahan om kinawawayaan, suai ko’ popusorou id kapamansaian ponimbangan di nunu nopo kootusan nogi laang id nayatan koporintaan pogun.

Tumanud disio i Hajiji kaanu mongimbayat sokodung om koupusan do toinsanan rayat mogisusuai tinaru om ugama’ mantad nodi kopomuruanan om pogogoyuon kopomuruanan disio i poinsiriba’ ginawo.

Minanahak poiradan di tindikohon Lintuhun Koundangan Pogun (DUN) Sulaman i noiyon-iyon mogigiyon orukut tinaru om ugama’, ka di Syahruddin, i Hajiji tantu’ no do nakalantoi pinapatanom sunduan doun yati’ om nakalantoi ginawo rayat dau nunu podi isio nokoigit watas dilo’ pointonod 1990.

“Nosili do kinoubasanan montok di Hajiji do mindahu’ om minggisom montok momoduli’ di nunu i potoguang do rayat id watas dau.

“Kohondot dilo’, iti nopo nga’ ponginsomokan bobos tosonong om arayou montok di Hajiji sinili sabaagi ponginsomokan momuruan koporintaan pogun Sabah om potilombus dino kapasaga’ disio do lobi koupusan do rayat Sabah miampai poinpuli,” ka disio.

I Hajiji nakalantoi minomusus tindikohon DUN Sulaman miampai majoriti 3,099 undi id Pomilian Tagayo Pogun (PRN) Sabah ko-16 tuminaru id toguang di Molohingon Pogun Tun Juhar Mahiruddin id Istana Negeri, di tadau Koduo.

Tuminaru nogi i tolu Kumoduo Boyoon Montiri Sabah yolo’ nopo nga’ i Datuk Seri Bung Moktar Radin, Datuk Dr Jeffrey Kitingan om i Datuk Dr Joachim Gunsalam, suai ko’ duo montiri Kabinet yolo’ nopo nga’ i Datuk Masidi Manjun i mongigit karaja’ sabaagi Montiri Kousinan II po nogi Montiri Koporintaan Nokoiyonon om Pomuwalaian Sabah nogi i Datuk Jahid Jahim sabaagi Montiri Koburuon Labus Kakadayan Sabah.

GRS nakaanu majoriti ‘mudah’ montok minonowoli pomorintaan koporintaan pogun mantad Parti Warisan Sabah id PRN Sabah, di ko 26tw Kosiam katatalib, soira’ nakaanu 38 mantad koinsanai 73 tindikohon DUN pogun diti.-Bernama

   
Email Print