Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
_1
A Wonderful Treat for Cider Lovers this Apple Day with Somersby |  Daikin sets up biggest ASEAN Oceania centralized distribution hub in Malaysia |  AmBank Group receives three awards at Malaysian e-Payments Excellence Awards |  FOCUS POINT RAISES AWARENESS ON EYE HEALTH FOR WORLD SIGHT DAY 2020 |  WATSONS PRESENT 7-DAYS OF EXTRA ONLINE SALE |  Flash floods hit Kota Kinabalu and several areas in West Coast |  Public bus services in S’kan suspended for two weeks |  Blow to Sukma preparations |  Revington returns with dual mission |  Tabung Haji targets 500,000 depositors using THiJARI by year-end |  Retail, individual investor participation continue to increase |  Hizud nokotongob do mogiigizon |  Haang tokodou manahob koohian COVID-19 tinaak kumaa MKN |  Tana nopiang: Talun-alun kopoguhu mantad Kota Kinabalu - Ranau noputu |  PKPB id Kota Kinabalu, Penampang om Putatan | 
 Kadazan Dusun

Mogigiyon noduhan manakau karan tu' koowit koligogonon

29th September, 2020

Di NAZRINI BADARUN

LAHAD DATU: Koupisan Bomba om Manampasi Malaysia (JBPM) Lahad Datu minokianu do mogigiyon id watas diti do amu’ popowonsoi kapanakahan karan, sabab okon nopo ko’ koowit do kotutudan nga nogi kopoligogon do niawa.

I Luguan Balai Bomba om Manampasi Lahad Datu i Sumsoa Rasid minoboros, puru disio nga’ poinbanta’ nogi do kaantakan akaran soira’ popowonsoi karaja’ kopomisokan kinotutudan gagama’ koulalaho’ aiso’ tinonggungan dilo’.

Nokopogulu dilo’ ka disio, duo walai nosorob id kinotutudan doid Kampung Bakau Lama, Jalan Pantai di jam ko 11.15 totuong di tadau Minggu’ om id kinopomisokan do kinotutudan dilo’ noilaan do ilo’ nopo nga’ sasabab no do pangaba’ lotirik.

Pinointalang disio do kinapamawayaran id kinoiyonon kinaantakan kinotutudan dilo’ amu’ pointanud do katatapan di poinpatut soira’ di wayar pinooput om pinawaya’ doid sahau jambatan om walai.

“Ahal diti kopongumpadan do koumoligan puru om tulun ginumuan, kaantakan akaran aanu aantakan sabab momoguno tokou do waig montok momisok om wayar di haro id sahau do walai dilo’ kakal do poinpasi,” ka disio.

Id kinaantakan kinotutudan dilo’ ka disio, bohogian disio nakaramit pamalahawan di jam k 11.15 totuong om nokorikot di jam ko 11.31 totuong.

“Di maso tinimungan bomba dilo’ nokorikot id kinoiyonon kinaantakan duo tinan walai ponit naamot dilo’ nopupu, poingkuro po naanu minanalob mantad karalad id walai di suai,” ka disio.

Minoboros i Sumsoa do tinimungan bomba minanalob do tapui mantad karalad maya’ ralan kinoponompipian ‘ceiling hooks’ nogi’ minomoguno waig mantad rahat.

Soginumu’ do siam puru nokogompit om tolu injin suai ko’ nuhupan nogi do puru pulis.

“Id kinoiyonon kinaantakan di amu’ agampot do injin om asansagan mamanau gakod kisinodu’ do 1 kilometer. “Tadon om tintob kinorugian kakal id ponoriukan om aiso’ nokorundun di nokoruput,” ka disio.

   
Email Print