Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
_1
A Wonderful Treat for Cider Lovers this Apple Day with Somersby |  Daikin sets up biggest ASEAN Oceania centralized distribution hub in Malaysia |  AmBank Group receives three awards at Malaysian e-Payments Excellence Awards |  FOCUS POINT RAISES AWARENESS ON EYE HEALTH FOR WORLD SIGHT DAY 2020 |  WATSONS PRESENT 7-DAYS OF EXTRA ONLINE SALE |  Flash floods hit Kota Kinabalu and several areas in West Coast |  Public bus services in S’kan suspended for two weeks |  Blow to Sukma preparations |  Revington returns with dual mission |  Tabung Haji targets 500,000 depositors using THiJARI by year-end |  Retail, individual investor participation continue to increase |  Hizud nokotongob do mogiigizon |  Haang tokodou manahob koohian COVID-19 tinaak kumaa MKN |  Tana nopiang: Talun-alun kopoguhu mantad Kota Kinabalu - Ranau noputu |  PKPB id Kota Kinabalu, Penampang om Putatan | 
 Kadazan Dusun

GRS minomihi di Hajiji sabaagi Vozoon Montili Sabah

29th September, 2020

KOTA KINABALU: Gabungan Rakyat Sabah (GRS) saviavi nakaakun momungaan di Ponikoon Perikatan Nasional (PN) Sabah Datuk Hajiji Noor sabaagi pihi Vozoon Montili Sabah di kavavagu.

Hajiji i nogi Puu Dewan Koundangan Pogun (ADUN) Sulaman pinopoimagon ahal dino om tumau isido kalaja id Istana Pogun ontok jam ko 10.30 minsusuvab baino.

“Kiangkab zou popoiho izikoi GRS, mantad PN (Perikatan Nasional), BN (Barisan Nasional) om PBS (Parti Bersatu Sabah) nakaakun saviavi montok monuidong polinta pogun di kavavagu.

Nakaakun izikoi saviavi do minomungan dogo sabaagi Vozoon Montili Sabah,” ka disido id pitimbungakan media poimbida id doiti di koniab.

Nokotindapou nogi id pitimbungakan media i pinahabus id lahan potihombus do stesen televisyen nopo nga Ponikoon BN Sabah Datuk Seri Bung Moktar Radin, Presiden Parti Solidariti Tanah Airku (STAR) Datuk Dr Jeffrey Kitingan om Monunuat Tagazo Parti Bersatu Sabah (PBS) Datuk Jahid Jahim miampai nuzudan hahansanon layat mantad GRS.

Pinopohombus nogi i Hajiji titau do hahansanon layat GRS monuhuk dandi miampai papanau tonggungan di tinaak do layat Sabah miampai tavavasi.

“Kotohuadan kumaa layat Sabah tu minomihi buuan mantad GRS,” ka di Hajiji i nogi Huguan Tinan Buuan Parti Pribumi Bersatu Malaysia (Bersatu) Sabah.

Noudizo kokomoi nuzudan montili ngaavi, Hajiji i nogi Ponikoon PN Sabah minoboos ahal dino pobooson ahapas opupusan lamai tumau.

Naamot dino, dumandi i Bung Moktar polinta pogun kavavagu i papanaon do GRS tumood mimpulitik om id sambahik dino manaak pongintangan pongkimamaan monguhan kobohingkangan i notoguvang Sabah.

“Nadadi tonggungan tagazo polinta pogun i kavavagu diti montok saviavi dotokou monimpuun haang mongintong do layat id siibo kaanu pongumohigan,” ka di Bung Moktar i nakahantoi tikoon Lamag ontok Pomihian Pogun (PRN) Sabah di Tadau Koonom nakatahib.

Nokosoguhu di koniab, Koupisan Kointahangan Sabah pinopoiho Bernama abaabazan tumau kalaja vozoon montili papanaon do baino kotimpuun jam ko 10.30 minsusuvab id doguvang Yang Dipertua Negeri Tun Juhar Mahiruddin id Istana Pogun.

Songkoniab, Bung Moktar nosogu minoboos Juhar minokianu onuan timpu montok papatantu isai vozoon montili di kavavagu kahapas minonoodo pisamanan miampai disido, Hajiji, Jeffrey om Jahid.

Ontok PRN diti, GRS i mantad dioho PN, BN om PBS nakaanu 38 mantad 73 tikoon i piniboian i tuutulus kopoputan monuidong polinta, naamot Warisan Plus om tinimungan dino nakahantoi 32 tikoon om noohu dino tohu vagu nahantoi do Bebas. Bernama

   
Email Print