Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

Ababayan ‘reskilling’ om ‘upskilling’ poindalanon nogi id Sabah om Sarawak

15th September, 2020

KUALA LUMPUR: Soginumu do 4530 mingluluda mantad Sabah om 7,997 mingluluda mantad Sarawak naramit mindalan ababayan ‘reskilling’ om ‘upskilling’ Komontirian Koburuon Tulun id pinggisoman monginggonop pakakaraja’ nokoiyonon di komilaan om toilaaan i kosudong kopiongoi di kogunaan pomorunan.

Montiri Koburuon Tulun i Datuk Seri M. Saravanan (gambar) minoboros ilo nopo nga’ wookon mantad di tintob koinsanai 250,337 mingluluda id poliliput pogun i minindalan ababayan i pinaanjur maya’ Kopotundaan Koburuon Tulun Bhd (HRDF).

Tumanud disio HRDF nopo nga’ sabaagi ‘single window’ montok mongulud kopoindalanan ababaan dilo’ kadarapas do walu’ komontirian om kotinanan kogompit.

“Mantad tintob koinsanai kolulusan montok Sabah om Sarawak, 7,045 mingluluda nopo nga mantad siktor surupukaraja, 5,321 mingluluda nopo nga’ mantad siktor kapamansaian, 161 mingluluda nopo nga’ mantad siktor perlombongan.

“Naamot tintob poposodia pingludaan id Sabah om Sarawak nopo nga’ soginumu’ do 260 tulun miampai 90 tulun mantad dilo’ mantad Sabah om 105 tulun mantad Sarawak i kopouyu mogisusuai kurusus komilaan i gunoon do pomorunan,” ka disio id piuhotan simbar pitimbungakan Dewan Negara di konihab.

I Saravanan minonimbar ponguhotan di Senator Datuk Paul Igai, i mokimoilo kokomoi kinoburuon ababayan nokomoi gisom diti om nung pinoindalan nogi ilo’ id Sarawak om nogi Sabah.

Id timpu di miagal ka disio, id sahau Pinggisoman Jana Semula Ekonomi Negara (Penajan) HRDF gisom di ko 31tw Kowalu’ katatalib, soginumu’ do 36,138 kuota mingluluda’ i pinolulus miampai 410 mingluluda’ montok Sabah om 900 mingluluda’ id Sarawak.-Bernama

   
Email Print