Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

Kopokiurutan pongundian pogun amu’ tinumboyo’

15th September, 2020

Di ERSIE CHELL ANJUMIN

KOTA KINABALU: Songulun luyar om tondu poingkaraja sondiri amu’ nakalantoi doid kinopokionuan diolo’ do popourut pongundian pogun gisom do koidu’ mantad tomporuruol COVID-19, soira do Kuut Takawas do hiti minagada’ do upalai diolo’ montok kopogintongan kohokiman.

Momimisara’ Ismail Brahim minomonsoi katatapan dilo’ kumaa upalai nowit dio’ Marcel Jude Joseph, 59, dii Margret Binsing, 49, mantad no do upalai dilo’ aiso’ kosudongan (merit) soira’ nowit montok pinokinongou di konihab.

Kuut dilo’ minonuhu’ nogi di ngoduduo minongupalai dilo’ do minambayar RM3,500 kos kumaa responden. Id kinopokionuan diolo’, duo mokikianud ilo’ pinapangaran di Ponorikohon Suruhanjaya Pomilian Tagayo (SPR) sabaagi responden potudjuan.

Ngoduduo diolo’ minokianu kopohimaganan do timpu 60 tadau montok kapaharaan pongundian pogun ko 16 tumanud do Seksyen 21(4) Koundangan Sabah koimpuun nopo om ontok ko 1tw Kosiam 2020 id koompokon do Ponuhuan Kapanamangan Pamanahan Ponondulian (PKPP).

Minokianu nogi yolo’ do kopongokunan montok popoindisan katatapan do responden, i pinapahabar kumaa tulun ginumuan di ko 17tw Kowalu’ do ko 12tw kosiam 2020 sabaagi tadau pomungaranan calon, ko 22tw kosiam 2020 kopongundian tosopung om ko 26tw Kosiam 2020 o tadau pongundian.

Pinointalang di mokikianu do padaahan montok mambatal kinapatatapan dilo’ sasabab no do i responden amu’ kasaga’ do momonsoi kapahabaran nanamot kakal po do poinggirotkuasa Ponuhuan Kapanamangan Panau (PKP) om aiso’ kinopokisagaan montok kapaharaan pongundian.

Ngoduduo mokikianu nga’ mokianu nogi do kopogoduhan kohondot di responden i potuu isio sondiri toi upisor disio toi ejen do popoindalan pomilian gigisom do opupusan o PKPP katalib ko 31tw Kowalu’, 2020.

Yolo ngoduo mokianu nogi do kopongokunan do moningkod pomilian dilo’ id timpu PKP toi kapanahub ilo’ do undang-undang, abatal om aiso’.

Suai ko ilo’, minokianu nogi yolo’ do kopogintangan kos toi nunu-nunu kos di kosudong mantad kuut.

I Marcel Jude minongobi’ disio sondiri om i Magrret naamot di Kounsol Totuo Pisompuruan S. Narkunavathy om i Suzana Atan montok di Luyar Tagayo Pisompuruan om i Dygku Fazidah Hatun Pg Bagul mio’ontong id koobian do Luyar Tagayo Sabah.

   
Email Print