Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

13 nagakom id ponginaman mogohimu sumuang

14th August, 2020

DI NAZRINI BADARUN

SEMPORNA: Kiginumu 13 tuhun kusai songkosuvazan kaampai no tanak tinaan kahapas kikotumbazaan ponginaman mogohimu sumuang kumaa uvang diti id suang duvo kinantakan misuvai id pitakasan piahatan Pulau Mataking om Pulau Boheyan id doiti di Tadau Kotohu.

Upisol Momolinta Batalion 14 Tinimungan Gerakan Am (PGA) Tawau Supt. Mohd Yacob Murad minoboos, saviavi kusai dino kiumul mantad 7 gisom 50 toun.

Tumanud disido, ontok tinimungan disido i hinuguan di ASP Jarraw Anak Madong papanau koponoizukan di jam ko 2.30 minsusuvab nokosoomo isido iso padau i kototongob maapanau sumuang Semporna kikotumbazaan mantad ponong pitakasan Philippine.

Tumanud disido, nokopiuman koikatan tinimungan pulis, juragan padau kuminam pinopoidau nga nahantoi do minanahob do padau PGA.

Pinomolisaan kopoguhu kumaa padau dino noihaan onom kusai miampai saviavi dioho au nakahantoi pinopokito suat kointutunan di pinasaga.

“Piipio minit mantad kinantakan dino, tinimungan di miaga nokoikot iso vagu padau id suang koozuzuvo kototongob nogi kikotumbazaan mantad ponong pitakasan Philippine,” ka disido id suang kointahangan.

Padau dino ka disido, minaganu haang pinopoidau songian nokopiuman koikatan tinimungan PGA, nga ponginaman dino au nakahantoi.

“Pinomolisaan pinapanau kumaa padau dino noihaan tuu kusai id suang dino om aiso do nuununu kointutunan di pinasaga,” ka disido.

Ka disido, asil pinomolisaan padau ngaavi dino nga nokosoomo vahu sinapang tinoodo sondii, tohu compressor kingaan ‘Yuan Dong’, apat tuung gas aiso suang totomou, vahu galon tumau petrol, himo tuung gas om 4 sumbu ponitiu.

“Saviavi balang dino nagamu suvai ko duvo padau om duvo unit injin posoviton 85hp om 65hp kingaan ‘Mitshubithi’, ka disido.

Minoboos i Mohd Yacob, hoogo saviavi balang nagamu kiginumu RM21,300.

Saviavi nagakom om nagamu ka disido, noovit kumaa Hongkod Upis Pulis Uvang (IPD) Semporna montok koponoizukan om haang sumusuut id siibo Seksyen 6 (1) © Akta Imigresen om Seksyen 6 (1) Akta Hakisan, Koobus om Sandata Kohigaganan 1958.

   
Email Print