Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

Pakalaja sabaagi 'Team UMS': Masidi

7th August, 2020

KOTA KINABALU: Ponikoon Kotinanan Potunud Univositi Malaysia Sabah (UMS), Datuk Seri Panglima Masidi Manjun mongunsub pakalaja ngaavi UMS montok pakalaja sabaagi iso tinimungan montok dumampot hizab om ikoton univositi montok kapanau kumaa doguvang.

Ka disido, potitikid hizab di ginoisan hobi ouhan koimbuhai nung potitikid pakalaja kaanu poposuang pomumusoou do kalaja om tonggungan di ginoisan id univisiti diti nopo nga sabaagi iso pinonuhungan i kinalaja kaanu do guhi om kovosian.

“Id UMS mositi aiso tinimungan suvai id suang kotoinaan, saviavi mositi pakalaja sabaagi ‘Team UMS’, tu id kohimpupuso dino univositi diti noop nga kokomoi dotokou saviavi.

“Mositi mongintong tokou univositi diti katahib kopotutan sondii montok mogovit univositi kumaa doguvang.

“Tokou nga kaanu monoodo kalaja miampai avasi montok univositi nung mongomi tokou onu i kinalaja sabaagi iso ibadah,” ka disido.

Minoboos isido dino ontok minamason id iso Lamai Miampai Ponikoon LPU i notindapou do upisol ngaavi kopoguhu miampai huguan ngaavi koupisan UMS id Louting Canselori, di kosuvab koniab.

Minoboos i Datuk Seri Masidi, nadadi potitikid kalaja sabaagi iso hobi i nogi koponuhung sondii potitikid pakalaja montok hobi guminavo pakalaja miampai mongkimamaa montok kobuuon sondii id suang kalaja.

“Songian nuununu i kinalaja dino adadi hobi, hobi asabi tokou montok tuutulus monoodo koponoizukan om kopongukadan toihaan kumaa nuununu di kaanangan dotokou, om iti tuutulus koponuhung id suang kobuuon tangangazan sondii,” ka disido.

Monuu nogi isido pakalaja mantad pot oi pakalaja akademik toi ko kotoinaan mooi minsingubas ikoton tutuuvan toihaan.

“Hobi vinasi nung sosonguhun pensyarah montok kivaa toihaan kumaa mogisusuvai disiplin toihaan piagahon kabaahan di kivaa no haid,” ka Masidi.

Ontok po nogi dino, nakaakun nogi i Masidi miampai koinsamakan UMS montok manaak pongintangan piipio koponoizukan miaga di pinoboos di Naib Canselor UMS, Prof. Datuk ChM. Dr. Taufiq Yap Yun Hin, hoohobi no kozo koponoizukan kogompit pomutanaman pintar.

“Pogun Sabah kivaa tana di tagazo montok boogizan pomutanaman, om iti nopo nga iso pongkimamaan di tavasi okon nopo montok univositi mongukab kosivatan kumaa boogizan pomutanaman, nga nogi nadadi popobuu montok mongukab toihaan pomutanaman miampai mongunsub mobubuvat tomuhok id suang boogizan pomutanaman kavavagu.

“Kiguno kozo montok univositi monoizuk mogisusuvai lahan suvai tanom taakanon, tu sabaagi pomitanaman kuang hobi 70% vagas id malaysia noudal mantad habus pogun, om kaganapan taakanon ogompitan nung abaabazan pidagangan toi ko pionitan duvo boogizan miampai pogun dahabus ogompitan,” ka di Masidi.

Id lamai dino, pinopoimagon nogi i Masidi Vuhan Kabangsaan om Kimpin Popohimbai Jalur Gemilang Nazatan UMS, miampai miampai Datuk Dr Taufiq Yap, upisol ngaavi kopoguhu UMS om pakalaja UMS pinopohombus titau Rukun Negara.

   
Email Print