Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

Pogioton panamangan tu kiis COVID-19 nokoinsavat

7th August, 2020

KOTA KINABALU: Polinta Sabah pinapatantu montok popogiot ponguasaan kootulan kalaja standard (SOP) id siibo Ponuuan Panamangan Pongumohigan (PKPP) montok manahob koohian COVID-19 mantad no poguntaban kiis toluo di nokoinsavat id pogun diti.

Vozoon Montili Datuk Seri Mohd Shafie Apdal minoboos luputan Koupisan Kohidasan Pogun Sabah pinopokito ginumu kumulatif kiis positif COVID-19 ontok 25 Vuhan Kotuu nakatahib nopo nga 384 kiis om nokoinsavat kumaa 402 kiis, ino nopo nga kouangan 18 kiis di Tadau Koduvo.

Minoboos i Mohd Shafie ginumu kiis positif COVID-19 i kakal usapon id hamin pongusapan pototongkop pogun montok timpu diti nokoinsavat ingapat kolipat ino nopo nga mantad apat kliis kumaa 16 kiis.

“Polinta pogun mongintong tavavagat kinoinsavatan kiis positif diti om tumongob koohian pandemic tuutulus koinsavat nung haang panamangan au pogioton.

“Mantad dino, boogizan kipotutan mositi popoinsavat ponguasaan SOP, suvai ko tuhun ginumuan popotuton momoguno tokop sapalu voos id tampat ginumuan om soosouan momohiung hongon momoguno vaig om sabun toi ko pensanitasi hongon miampai tomoimo momoguno vohit tinan,” ka disido id suang kointahangan di koniab.

Mohd Shafie minoboos popobuu kadai pongindopuan nga mositi monguang ginumu tuhun id suang kadai id iso timpu om ginumu dino tumanud kumaa tukuan kadai miampai mongintong lahan humabus sumuang misuvai, suvai ko popogiot poniisan kohidasan.

Ka disido, ginumu koikatan id lamai sosial om poimbida nga mositi kuangon kumaa 150 tuhun montok timpu takavas tohu jam miampai posuungon taakanon id lahan pek toi ko posuungon di modsusuung, suvai ko sanganu toi ko popobuu kadai monoodo koponoinaan sosouan sanitasi.

“Polinta pogun mongunsub boogizan kipotutan mooi papagazo kopongintangan poniisan COVID-19 id lahan tuutulus kumaa saviavi mogiigizon om okon ko tumanud tinimungan di noihaan kozo do kikantakan.

“Nung kaanu, poniisan COVID-19 id vavazaan ngaavi sumuang mazaa tavan, daat om tinda kumaa Sabah mositi pavakason mahik,” ka disido om poposoou layat Sabah montok umivad saviavi pamanaan om abaabazan dahabus au tagal. Bernama

   
Email Print