Local
Business
Sports
Leisure
BM
Kadazan Dusun
EDUCATION
ECO
Archives
Latest News
 
E_1
Voters returning from red zone told to undergo home quarantine |  Expected business distress post-moratorium manageable – CGC |  Upward trend in LI boost consumer, investor sentiment – Economists |  Mogigiyon noduhan manakau karan tu' koowit koligogonon |  Arthur Kurup poposili PRN di katatalib posunduran koinsonongan |  GRS minomihi di Hajiji sabaagi Vozoon Montili Sabah |  Majlis Kuliah Maghrib di Surau Ar-Rahman berlangsung cemerlang |  JBPM L-Datu ingatkan masyarakat jangan 'curi karan' |  Malaysia Airports tambah baik kemudahan saringan penumpang dari Sabah |  Kira-kira 32 pegawai dan anggota bomba di LD jalani ujian saringan COVID-19 |  Hajiji tokoh politik diyakini mampu bawa pembangunan Sabah |  Hajiji angkat sumpah Ketua Menteri baharu hari ini |  Peter drops bombshell |  Sarawak didn’t break any law to set up international schools – minister |  “Luk Chup” a popular dessert in Kota Bharu | 
 Kadazan Dusun

Koonduan dumagang dadah tinaan

5th August, 2020

Di NAZRINI BADARUN

LAHAD DATU: Songuhun koonduan kikotumbazaan papatazad dadah tinaan pulis asil pinonugkuan id iso hamin aiso numbul id Kampung Dewata, Talun-alun Silam id doiti di Tadau Koiso.

Huguan Pulis Uvang, ACP Nasir Mansor minoboos, i natandasan tuhun Indonesia kiumul 42 toun i aiso do nuununu suat dino tinaan di kuang hobi jam ko 2.30 minsosodopon id suang Ops Tapis.

Tumanud disido, minaganu haang mantad kopoihaan iso tinimungan puu Boogizan Koponoizukan Kahasaan Tavagat Narkotik Uvang (BSJND) Lahad Datu minonoodo iso ponugkuan kumaa iso hamin.

“Ontok nokoikot id doguvang hamin id suang koozuzuvo vavazaan poingukab tinimungan pulis pinopointutun dioho sabaagi puu pulis miampai pinopokito kad kuasa.

“Kivaa songuhun di natandasan koonduan poindikau id hivang tombuhui hamin dino tinaan om pinapanau pomolisaan tinan kumaa di natandasan,” ka disido.

Ontok pinomolisaan tinan pinapanau, i natandasan pinapahabus iso hopot plastik toniting miampai momoguno hongon mantad kaakalung souva toniibo i ginuno.

“Asil pinomolisaan kumaa kaakalung souva dino kisuang 21 hopot plastik toniting toniini kisuang do dadah kavo syabu kivinagat 5.11 gram i pisosoomo kihoogo RM511,” ka disido.

Minoboos i Nasri, pinomolisaan poingonop id posoihi hamin dino au nokosoomo do nuununu balang nakahasa miampai i natadasan om balang nagamu dino noovit mahik kumaa IPD Lahad Datu montok haang sumusuut. Kiis ka disido, soizukon id siibo Seksyen 39A (1) Akta Dadah Kohigaganan (ADB) 1952.

Poniisan sobu i pinapanau kumaa di natandasan negatif.

Noihaan sanganu hamin dino nogi songuhun koonduan tinaan di siibo Seksyen 15 (1)(a) ADB 1952 tu positif dadah.

   
Email Print