Local
Foreign
Business
Sports
Leisure
BM
Kadazan Dusun
Archives
Latest News
 
Nst-studio
Classifieds
In_sites_link
Football-link
Smbb-logo
Songuhun puu pulis kikotumbazaan minonumbuk do sinavaan gison nosinduahan |  SBT tanda kinavas sistom balajalan kiningkokoton sompomogunan |  JPN SABAH PINOPOSOKOT 108 CCTV MONGINTONG SPM OM STPM |  Kehidupan selesa hari ini berkat kegigihan pendidik: kata Dr Joachim |  Generasi muda Sabah perlu berani terokai peluang di luar negara: Ewon |  RM3.3j untuk 44 sekolah, badan keagamaan bukan Islam di Pedalaman Atas |  DBKK berjaya selesai lebih 93 peratus aduan sehingga Okt |  Pemandu bas dipenjara 11 tahun, tiga sebatan rogol remaja OKU |  Kursus untuk JKKK, JKDB mampu tingkat prestasi |  Penjawat awam perlu pastikan kesahihan sesuatu maklumat |  DUA MATI DALAM TEMBAKAN MISTERI |  What’s wrong with crumbling City? |  Disgraced Korean joins fight against match-fixing |  Shahidan won’t contest MAU President post |  Karlberg ahead at CIMB Classic | 
 Kadazan Dusun

MOGOVIT BAKUL SONDII ONTOK MOOI POMOMOHI

27plastik1_colour_
Mantad gibang kumaa vanan Robert, Yabi, Yeo, Mandy, Zahara om Joannes pinopokito do pomitanan bakul osuau sandad i pinatazad kumaa tuhun ginumuan ontok kinopomoiganan kimpin “Tadau Koiso’ Aiso bakul Plastik’ ontok ko 7 Vuhan Koonom diti.

27th May, 2010

KOTA KINABALU: Tuhun ginumuan om momoomohi ngavi i mooi pomomohi id padadagangan posoihi bandaraya Kota Kinabalu tumimpuun ko 7 Vuhan Kotuu diti un subon do mogovit bakul soosondi toi ko momohi sondii bakul plastic id padadagangan miampai mambalai do 20 sen iso.

Iti montok papahantoi Kimpin ‘Tadau Koiso Aiso Bakul Plastik’ i kiangkab montok monguang pomogunaan bakul plastic om popoinsavat kasaavan id tinimungan mogiigizon kumaa panamangan sandad posoihi.

Asil kinadagangan bakul plastic dino pinosuang id tozibut Hongkod Haang Sandad Posoihi Sabah (EAC) montok angkab projik sandad posoihi om kabaakasan.

Kimpin diti pinobuu do Dewan Bandaraya Kota Kinabalu (DBKK) om EAC.

Kopomoiganan kimpin Tadau Koiso Aiso Bakul Plastik om Kapanaakan Ningkokoton Kakadazan Tanjung Aru sabaagi Kakadazan Totomou om Aiso Sazamut i naazu minamot ontok ko 7 Vuhan Koonom diti, poimogonon di Montili Kotombuhuzan Koubasanan om Sandad Posoihi Datuk Masidi Manjun ontok ko 7 Vuhan Koonom, id Sunny Supermarket, Tanjung Aru.

Huguan Potunud DBKK Yeo Boon Hai minoboos, montok ponimpunan kimpin ‘Tadau Koiso Aiso Bakul Plastik’ naampazat do 23 padadagangan tagazo, kadai om kadai pangakanan id posoihi bandaraya.

“Vookon padadagangan tagazo i minumpazat nopo nga Parkson, KFC, Milimewa, Tong Hing Supermarket, Giant, WholeSale Mart, G-Mart Supermarket, Watson, Daisho (1Borneo), Pacific Ngiu Kee, Guardian, Southern Cake House, Multi Bake Cake House, 7-Eleven, Metrojaya, Servay, Merdeka Supermarket, One Stop Superstore, Popular Bookstore, Tong’s Supermarket, Chu Kah Seng, Sunny Supermarket,” ka disido.

Minoboos isido dino id pitimbungakan abal kokomoi kopomoiganan Kimpin Tadau Koiso Aiso Bakul Plastik om Kapanaakan Ningkokoton Kakadazan Tanjung Aru sabaagi Kakadazan Totomou, aiso sazamut, id Dewan Ginumuan DBKK, id doiti, di koniab.

Nokotindapou nogi, Kumoduvo Huguan Potunud (Kalaja) DBKK Joannes Solidau, Potunud Koupisan Kohidasan om Kotoinaan Bandaraya, DBKK Robert Lipon, Kumoduvo Ponikoon Komiti kikuasa Poguhudan EAC nogi Potunud Koupisan Panamangan Sandad Posoihi Yabi Yangkat, hahansanon EAC Zahara Yaacob om Miss Malaysia Earth 2009 Mandy Nandu.

Humansan i Yeo hobi ginumu vagu padadagangan mumpazat om monokodung kimpin dino saasabap no do bakul plastic kapanakadai kuang hobi 30 piatus kapataaman sazamut.

Ontok noudizo kokomoi koponoimaan boogizan padaadagangan om popobuu kadai gisom baino diti, minoboos isido, koponoimaan kopongunsub kozo om humansan kimpin miaga diti kapanaak kasaavan kumaa tuhun ginumuan montok monguang pomogunaan bakul plastic om manampasi sandad posoihi.

   
Email Print
   
 
 
E-browse
Actionline